शिरपूर, जि.धुळे , दि.30- तालुक्यातील बाभुळदे येथील माजी सरपंचाचा उष्माघाताने मृत्यू झाल्याची दुर्दैवी घटना बुधवारी घडली आहे. मालतीबाई शेनपडू निकुंभे (49) असे मयताचे नाव आहे. यावर्षात उष्माघाताने मृत्यू झाल्याची जिल्ह्यातील ही पहिलीच घटना आहे.
बुधवारी त्यांना ताप आल्यानंतर शिरपूर शहरातील एका खाजगी रुग्णालयात उपचारार्थ दाखल करण्यात आले होते. त्यावेळी त्यांना खूप ताप होता. त्यामुळे तेथे प्राथमिक उपचार करून पुढील उपचारासाठी त्यांना धुळे येथील खाजगी रुग्णालयात हलविण्याचा सल्ला देण्यात आला होता. मात्र, धुळे येथे पोहचण्यापूर्वीच त्यांची प्राणज्योत मालवली.
शिरपूर येथील खाजगी रुग्णालयात दाखल केल्यानंतर त्यांच्या अंगात 107 डिग्री ताप होता. त्यामुळे त्यांचा मृत्यू उष्माघातानेच झाला आहे, अशी माहिती डॉ. पराग पाटील यांनी ‘लोकमत’शी बोलताना दिली आहे.
त्यांच्या पश्चात पती, 2 मुले व 1 मुलगी असा परिवार आह़े शिक्षक पतसंस्थेचे कर्मचारी राहुल निकुंभे यांच्या त्या मातोश्री होत़