डझनभर जुगारी पोलिसांच्या जाळ्यात

शिरपूर शहरातील मासळी बाजार, भाजी मार्केटजवळच नेहमी जुगाराचा खेळ खेळविण्यात येतो. त्यातून काही वेळेस आरडाओरड होत असते. तर काही वेळेस आपापसात हाणामारीदेखील घडली आहे. मार्केटच्या प्रवेशद्वाराजवळच पहाटे १ वाजेच्या सुमारास पत्त्यांचा जुगाराचा हार-जीतचा खेळ सुरू असल्याची गोपनीय माहिती शिरपूर पोलिसांना मिळाली. माहिती मिळताच पथकाने नियोजन करून सापळा लावला आणि जुगार खेळणाऱ्या डझनभर जुगाऱ्यांना रंगेहाथ पकडले. त्यांच्याकडून १७ हजार २२० रुपयांची रोकडही जप्त करण्यात आली. पकडण्यात आलेल्या जुगाऱ्यांमध्ये संशयित उदयसिंग ठाकूर, विकास चौधरी, आसिफ शेख, अमृत ढिवरे, कलीम शेख, राहुल धनगर, कासिम शेख, अशफाक बेग, ऋषिकेश आखाडे, इम्रान तेली, शांतीलाल पाटील, लालसिंग राजपूत अशी आरोपींची नावे आहेत. पोलिसांनी त्यांना ताब्यात घेतले आहे. त्यांच्या विरोधात पोलीस कर्मचारी स्वप्निल बांगर यांनी दाखल केलेल्या फिर्यादीवरून गुन्ह्याची नोंद करण्यात आली आहे. घटनेचा तपास पोलीस कर्मचारी पाटील करीत आहेत.