रूढींना फाटा देत वधूच्या बहिणीला ‘सुक्या’चा मान!

बच्छाव-कुंवर कुटुंबाचा आदर्श : प्रियंकाची घोडय़ावरून मिरवणूक

 धमाणे/तिसगाव : समाजात आज मुलगा हा वंशाचा दिवा असतो असा समज आह़े मात्र दिवसेंदिवस होत असलेल्या जनजागृतीमुळे मुले व मुलींमधील भेदभाव कमी होत आह़े याचे उत्तम उदाहरण रविवारी नगाव येथे लग्नसमारंभात बघावयास मिळाल़े यात नेहमी नवरीच्या भावाला दिला जाणारा ‘सुक्या’ होण्याचा मान चक्क नवरीच्या लहान बहिणीला देण्यात आला. याद्वारे बच्छाव आणि कुंवर कुटुंबाने समाजात एक नवा आदर्श निर्माण केला़  होळ (ता. शिंदखेडा) येथील  प्रगतशील शेतकरी शशिकांत शिवराम पाटील (बच्छाव) यांची कन्या  मानसीचा विवाह शिंगावे येथील छोटू वामन कुंवर यांचे सुपुत्र भूपेंद्र यांच्याशी नगाव येथे रविवारी झाला़ रितीरिवाजाप्रमाणे लग्नासाठी आलेली वरात पारावर गेली की नवरदेवाला  घेण्यासाठी नव:या मुलीचा भाऊ ‘सुक्या’ म्हणून घोडय़ावर बसून जातो़ जर नवरीला भाऊ नसेल तर चुलत किंवा मावस भावाला हा मान मिळतो़ मात्र या सर्व रितीरिवाजांना फाटा देत नगाव येथील विवाह सोहळ्यात नवरीची लहान बहीण प्रियंका ही सुक्या म्हणून गेली़ विशेष म्हणजे नवरीने स्वत: आपल्या लहान बहिणीचे औक्षण केल़े प्रियंका ही अभियांत्रिकीचे शिक्षण घेत आह़े  सुक्याची भूमिका प्रियंका बजावेल असे आधीच ठरले होते, असे वधूपिता शशिकांत बच्छाव म्हणाल़े विशेष म्हणजे सासरच्या मंडळींनीही यावर आक्षेप न घेता सहमती दर्शवली सुक्या बनून लग्नात घोडय़ावर बसलेल्या प्रियंकाची गावातून मिरवणूक काढण्यात आली़ थेट मारुतीच्या मंदिराच्या पारार्पयत जाऊन मुलीला अशुभ मानणा:यांसमोर नवा आदर्श निर्माण केला़ विवाह सोहळ्यातील हे वेगळेपण अनेकांनी मोबाइलमध्ये साठविल़े लग्न मुहूर्त बाजूला सारून वधूपित्याने ‘लेक वाचवा’ अभियानावर बोलत जावई व मुलीला अपत्य झाल्यास त्यांना पोलिओ डोस पाजा असा शुभाशीर्वाद दिला़