बाजारात गर्दी
धुळे : सकाळी ११ वाजेपर्यंत जीवनावश्यक वस्तूंची दुकाने सुरू राहत असल्याने आग्रा रोड, पाचकंदील बाजारात गर्दी होत आहे. शहरी तसेच ग्रामीण बाजारकरूंची संख्या वाढली आहे.
लसीकरणाला रांगा
धुळे : येथील जिल्हा रुग्णालयात लसीकरणाला गर्दी होत आहे. लांबच लांब रांगा लागत आहेत. लसीकरणासाठी आलेले नागरिक सोशल डिस्टन्सिंगचे पालन करताना दिसत नाहीत. रुग्णालयाने शिस्त लावण्याची गरज आहे.
लाॅकडाऊनची चर्चा
धुळे : शहरासह जिल्ह्यात कोरोना रुग्णांची संख्या प्रत्येक दिवशी शेकडोने वाढत आहे. प्रशासनाने कठोर नियमांची अंमलबजावणी सुरू केली आहे. शासनानेदेखील लाॅकडाऊनचा इशारा दिला आहे. सर्वत्र तशी चर्चा आहे.
ओट्यांवर बैठक
धुळे : बाजारपेठेतील दुकाने बंद असल्याने दुकानांच्या मोकळ्या ओट्यांवर गर्दी होत आहे. दुकानाचे मालक, कामगार किंवा इतर नागरिक टाइमपास म्हणून येऊन बसत आहेत. सुदैवाने मास्कचा वापर होत आहे.