शहरं
Join us  
Trending Stories
1
"बाहेर ये तुला दाखवतो, तू तर बूट..." अनिल परबांनी 'गद्दार' म्हणताच शंभूराज देसाई भडकले, विधान परिषदेतच जुंपली
2
“सार्वजनिक गणेशोत्सव आता ‘महाराष्ट्र राज्य महोत्सव’”; आशिष शेलार यांची विधानसभेत घोषणा
3
मोठ्या बॅटरीचे काय सांगता? वनप्लस नॉर्ड सीई ५ मध्ये मोठी अपग्रेड मिळालीय, पण कॅमेरा...
4
१.१० रुपयांवरून वर्षभरात ८,३८५% वाढून ९३,९४ वर पोहोचला हा शेअर; आजही लागलं अपर सर्किट
5
चांगूर बाबाचे दुबईपर्यंत नेटवर्क; महाराष्ट्र-युपीतील 1500 हिंदू तरुणींचे धर्मांतरण, चौकशीत खुलासा
6
IND vs ENG: लॉर्ड्स कसोटीपूर्वी इंग्लंडचा मोठा डाव, खेळपट्टीच बदलून टाकली, कुणाला मिळणार मदत?
7
आयपीएलमध्ये तिकीट घोटाळा, सीआयडीची मोठी कारवाई, हैदराबाद क्रिकेट संघटेनेच्या अध्यक्षांना अटक   
8
'पालिका प्लॅन' ON ! सांगली, रत्नागिरी, पुणे, कोल्हापूरच्या शेकडो कार्यकर्त्यांचा शिवसेनेत प्रवेश
9
दे दणादण! काँग्रेस कार्यकर्ते आपापसात भिडले, एकमेकांच्या जीवावर उठले; माजी आमदार जखमी
10
Glen Industries IPO च्या GMP मध्ये तुफान तेजी; आतापर्यंत ४३ पट झाला सबक्राइब, पाहा डिटेल्स
11
Guru Purnima 2025: गुरु पौर्णिमेला सायंकाळी 'हा' उपाय करा; अडलेली कामे मार्गी लागतील!
12
पुन्हा प्रेमात पडला आदित्य रॉय कपूर? अनन्या पांडेनंतर आता 'या' मॉडेलसोबत डेटिंगच्या चर्चा
13
संजय शिरसाट यांना आयकर नोटीस; विट्स हॉटेल लिलावाच्या चौकशी आदेशानंतर दुसरा धक्का
14
उत्तरेत सुरू झाला, महाराष्ट्रात श्रावण कधीपासून? पाहा, यंदा किती श्रावणी सोमवार अन् महत्त्व
15
जुना मित्र पुन्हा कामाला आला! रशिया १० लाख भारतीयांना रोजगार देणार, कधीपर्यंत अर्ज करता येणार?
16
"मुंबई, महाराष्ट्रात मराठी माणसाला घर नाकारलं तर..."; मंत्री शंभूराज देसाईंची महत्त्वाची घोषणा
17
Airtel Recharge Plan: २०० रुपयांपेक्षा स्वस्तातील एअरटेलचे हे प्लान्स आहेत बेस्ट, WiFi असलेल्या लोकांना होणार मोठा फायदा
18
परदेशातून आल्यावर थरूर यांचा काँग्रेसवरच आणीबाणी बॉम्ब; लेखात इंदिरा गांधींवर जबर टीका, म्हणाले... 
19
Sindoor Bridge: मुख्यमंत्री देवेंद्र फडणवीस यांच्या हस्ते सिंदूर उड्डाणपुलाचे उद्घाटन
20
एका शब्दावरून निवडणूक आयोग अडकला, सर्वोच्च न्यायालयात मतदार पुनरावलोकनावरील सुनावणीवेळी झाली कोंडी

लहान बालकांनाही काेरोनाची लागण

By लोकमत न्यूज नेटवर्क | Updated: March 26, 2021 04:36 IST

दोंडाईचा व त्यालगतच्या ग्रामीण भागात कोरोनाचा कहर वाढतच आहे. उपजिल्हा रुग्णालय अपुरे पडू लागले आहे. रुग्णांना आता बेड मिळणे ...

दोंडाईचा व त्यालगतच्या ग्रामीण भागात कोरोनाचा कहर वाढतच आहे. उपजिल्हा रुग्णालय अपुरे पडू लागले आहे. रुग्णांना आता बेड मिळणे कठीण झाले आहे. उपजिल्हा रुग्णालयाने घेतलेले पाच-सहा दिवसांचे स्वॅब अहवाल बुधवारी मिळाले. अहवाल उशिरा मिळत असल्याने स्वॅब देऊनही बरेच रुग्ण दोडाईचात फिरत असताना दिसतात. त्या मुळे ते कोरोनावाहक मोठ्या प्रमाणात ठरत असल्याची शक्यता वर्तविण्यात येत आहे. उशिरा अहवाल येत असल्याने रुग्ण व त्याच्या घरातील लोक मोठ्या चिंतेत वावरतात. त्यामुळे अहवाल लवकर मिळावा ही मागणी आहे.

उपजिल्हा रुग्णालयात ५४१ रुग्णांचे स्वॅब व अँटिजन टेस्ट घेण्यात आली. त्यात १२९ नवीन कोरोनाबाधित रुग्ण आढळून आलेत. कोरोनाबाधित नवीन रुग्णांचे प्रमाण २४ टक्क्यांनी वाढले आहे. या धक्कादायक अहवालाने नागरिकांत चिंतेचे व भीतीचे वातावरण निर्माण झाले आहे. ११ ते १३ या वयोगटातील शाळकरी विद्यार्थ्यांत पण कोरोनाचा संसर्ग वाढत आहे. काही शिक्षकही कोरोनाबाधित आढळून आले आहेत. एकंदरीत लहान बालके, शाळकरी मुले, तरुण व ज्येष्ठ नागरिकांतही कोरोनाचा संसर्ग वाढत असल्याने सर्वच घटकांत चिंतेचे वातावरण दिसत आहे. दोडाईचातील जवळजवळ असा एकही परिसर दिसत नाही, जेथे कोरोना संसर्ग झाला नाही. तरीही बरेच लोक नियमांचे पालन करताना दिसत नाही. बऱ्याच दुकानांत आजही गर्दी दिसून येते. बरेच जण आजही मास्क लावताना, सामाजिक अंतर ठेवताना दिसत नाहीत. सॅनिटायझर बऱ्याच दुकानांत, शासकीय कार्यालयांत हद्दपार झालेले दिसत आहे. बसेस, खासगी वाहतूक करणारी वाहने यात गर्दी दिसते. त्यातही बरेच जण मास्क वापरतच नाही, परंतु त्यांच्यावर कारवाई होत नाही. ही कारवाई सक्तीचे होणे गरजेचे आहे.

आजच्या परिस्थितीत सिंधी कॉलनी, राऊळनगर, पटेल कॉलनी, कोठारी पार्क, बंबनगर, सर्वोदय कॉलनी, हुडको, संत कबिरदासनगर, वृंदावन कॉलनी, पाटील गल्ली, म्हादेवपुरा, सोनार गल्ली, श्रीकृष्ण कॉलनी, औदुंबर कॉलनी, हस्ती कॉलनी आदी ठिकाणी कोरोना संसर्ग अधिक दिसत आहे. बुधवारच्या अहवालानुसार ६० महिला व ६९ पुरुषांत कोरोनाबाधित आढळून आले आहेत. एकंदरीत कोरोनाचे वाढते संकट दोडाईकरांच्या चिंतेत भर टाकणारे आहे.