खरीपसाठी आतापर्यंत ३६ टक्के कर्ज वाटप

धुळे : धुळे-नंदुरबार जिल्हा मध्यवर्ती बॅँकेची माहिती

धुळे :खरीप हंगामासाठी पीक कर्ज वाटप सुरू झालेले असून, धुळे व नंदुरबार जिल्हा मध्यवर्ती सहकारी बॅँकेतर्फे आतापर्यंत ४९३३.२९ लाख कर्जाचे वाटप झाले असून, त्याची टक्केवारी ३६ टक्के असल्याची माहिती सहायक निबंधक मनोज चौधरी यांनी दिली.२०२०-२१ या वर्षांसाठी पीक कर्ज वाटपास एक एप्रिलपासून सुरूवात झालेली आहे. खरीप हंगामासाठी १३ हजार ७४९ लाख पीक कर्ज वाटपाचे उद्दिष्ट आहे. ८ मे पर्यंत ४ हजार ९३३.२९लाख कर्जाचे ७ हजार २५१ शेतकऱ्यांना पीक कर्ज वाटप झालेले आहे. त्याची टक्केवारी ३६ टक्के आहे.बियाण्यांची मुबलकताजिल्ह्यात ४ लाख ८९ हजार हेक्टर क्षेत्रावर खरीपाची लागवड प्रस्तावित आहे. त्यासाठी ४० हजार ७९५ क्विंटल विविध बियाणे उपलब्ध होणार आहे. यात महाबिजकडून २२९६ क्विंटल बियाण्यांचा पुरवठा होणार आहे.तर खरीप हंगामासाठी १ लाख २ हजार ७२० मेट्रीक टन खतांचे आवंटन मंजूर झालेले आहे. लवकर खते उपलब्ध होतील अशी माहिती जिल्हा परिषदेच्या कृषी विभागातून देण्यात आली आहे.