तुळजापूर : येथील राष्ट्रवादी युवक काँग्रेस तुळजापूर शहर उपाध्यक्षपदी वैभव शिंदे यांची निवड करण्यात आली. युवक जिल्हाध्यक्ष आदित्य गोरे यांच्या हस्ते नियुक्ती पत्र देण्यात आले. यावेळी दुर्गेश साळुंके, नितीन रोचकरी, रोहित चव्हाण, संदीप गंगणे, समर्थ पैलवान, आदित्य शेटे, महेश चोपदार, शरद जगदाळे, अप्पासाहेब पवार, आण्णाभई क्षीरसागर, तोफिक शेख, अनमोल शिंदे, गोरख पवार, गूड्डू माने आदी उपस्थित होते.
उमरगखेड येथील घटनेचा निषेध
भूम - उमरखेड येथील नायब तहसीलदार वैभव पवार यांच्यावर वाळू तस्करांनी जिवघेणा हल्ला केल्याप्रकरणी भूम तहसीलदार उषाकिरण श्रृंगारे यांच्या मार्गदर्शनाखाली घटनेचा निषेध करण्यात आला. यावेळी तहसीलदार उषाकिरण श्रृंगारे, नायब तहसीलदार श्वेता अलाट, दिपक सावंत, नाथा पाटील, राठोड आदी उपस्थित होते.