उमरगा : येथील नगर परिषदेस दर्जावाढ देऊन ‘ब’ वर्गामध्ये समावेश करण्यात यावा, अशी मागणी सेनेचे आमदार ज्ञानराज चाैगुले यांनी राज्याचे नगरविकासमंत्री एकनाथ शिंदे यांच्याकडे १५ जून राेजी केली आहे.
उमरगा हे राष्ट्रीय महामार्गावर वसलेले शहर आहे. या नगर परिषदेस सध्या क वर्ग दर्जा प्राप्त आहे. २०११ च्या जनगणनेनुसार शहराच्या हद्दीतील व हद्दवाढ भागातील लोकसंख्या ६०,००० इतकी आहे. क वर्ग दर्जा प्राप्त नगर परिषद व वाढलेली लोकसंख्या याचा विचार करता नगर परिषदेस शासनाकडून येणारे अनुदान आकृतिबंधानुसार उपलब्ध अधिकारी व कर्मचारी यांच्या माध्यमातून शहरवासीयांना मूलभूत सोयीसुविधा पुरविताना अनंत अडचणींचा सामना करावा लागत आहे. ही निकड ओळखून उमरगा नगर परिषदेकडून क वर्ग दर्जावाढ करून वर्ग ब मध्ये समावेश करावा, यासाठी २०१३ मध्ये जिल्हाधिकारी यांच्यामार्फत विभागीय आयुक्तांकडे प्रस्ताव सादर केला आहे. सदरील दर्जावाढ झाल्यास शासनाकडून येणाऱ्या अनुदानात वाढ होऊन यातून नागरिकांना मूलभूत सुविधा पुरविणे सोयीचे होईल. तसेच आकृतिबंधानुसार अधिकारी व कर्मचारी यांच्या संख्येत वाढ होऊन याचा फायदा शहरवासीयांना विविध सोयीसुविधा पुरविण्यासाठी होईल. तसेच अनेक तांत्रिक प्रक्रिया सुलभ होऊन नगरपालिकेच्या उत्पन्नात वाढ होईल.
या सर्व बाबींचा विचार करून उमरगा नगर परिषदेस वर्ग क मधून वर्ग ब मध्ये दर्जावाढ देण्यात यावी, असे साकडे आमदार चौगुले यांनी नगरविकासमंत्री शिंदे यांना घातले आहे. दरम्यान, याअनुषंगाने तातडीने कार्यवाही केली जाईल, अशी ग्वाही नगरविकासमंत्री शिंदे यांनी दिल्याचे आ. चाैगुले यांनी ‘लाेकमत’ला सांगितले.
केली असून, मंत्रिमहोदयांनी यासाठी तात्काळ आवश्यक ती कार्यवाही करण्याचे आश्वासित केले आहे.