पाथरुड : भूम तालुक्यातील सर्वात मोठे विद्युत उपकेंद्र असलेल्या पाथरुड येथील ३३ केव्हीए उपकेंद्रातून होणारा विद्युत पुरवठा २८ एप्रिल रोजी ऑपरेटर व विद्युत कर्मचाऱ्यांत निर्माण झालेल्या मतभेदांमुळे काहीकाळ खंडित राहिला हाेता. याचा फटका पाथरूडसह परिसरातील पंधरा गावांतील ग्राहकांना बसला हाेता. याबाबत ‘लाेकमत’ने वृत्त प्रसिद्ध केल्यानंतर महावितरणच्या वरिष्ठांकडून वाॅपरेटरसह वरिष्ठ तंत्रज्ञासही निलंबित केले आहे.
पाथरुड ३३ केव्हीए विद्युत उपकेंद्रातून पाथरुडसह नान्नजवाडी, बागलवाडी, उमाचीवाडी, वडाचीवाडी, दुधोडी, सावरगाव, आनंदवाडी नळीवडगाव, घुलेवाडी, अंतरवली, नळी अशा जवळपास १५ गावांना घरगुती व कृषीपंपाना विद्युतपुरवठा हाेताे. मात्र, २८ मे रोजी येथील ऑपरेटर व विद्युत कर्मचारी यांच्यात काही कारणावरून मतभेद झाल्याने ३३ केव्ही उपकेंद्रातून होणारा विद्युत पुरवठा खंडित करण्यात आला होता. परिणामी, लाॅकडाऊन व ऐन कडाक्याच्या उकाड्यात घरात थांबलेल्या लाेकांचे हाल झाले. तर कृषीपंपाचाही विद्युतपुरवठा खंडित असल्याने गैरसोय झाली होती. याबाबत ‘लाेकमत’ने वृत्त प्रसिद्ध केल्यानंतर या प्रकरणाची गंभीर दखल वरिष्ठ स्तरावरून घेण्यात आली. संबंधित ऑपरेटर व वरिष्ठ तंत्रज्ञ यांना कारणे दाखवा नोटीस बजावून या प्रकरणाचा खुलासा मागविला. त्यानुसार संबंधितांनी खुलासाही दिला. परंतु, दोघांचाही खुलासा असमाधानकारक असल्याने अखेर कार्यकारी अभियंत्यांनी ६ मे रोजी आदेश काढत संबंधित विद्युत तंत्रज्ञ व ऑपरेटर यांच्या निलंबनाचा आदेश काढला. निलबंन कालावधीत त्यांना आठवड्यातील तीन दिवस म्हणजेच सोमवार, बुधवार व शुक्रवार या दिवशी सकाळी १० वाजता उपकार्यकारी कार्यालय वाशी येथे हजेरी द्यावी, असे आदेशात म्हटले आहे.
चाैकट...
पाथरुड ३३ केव्हीए केंद्रामध्ये कार्यत असलेले वरिष्ठ तंत्रज्ञ नाना बाराते हे रात्री- अपरात्री जीव धोक्यात घालून कर्तव्य बजावतात. त्यामुळे त्यांच्याविरूद्ध करण्यात आलेली निलंबनाची कारवाई मागे घ्यावी. तसेच इतरत्र बदली न करता त्यांना पाथरूड येथे ठेवावे. अन्यथा शेतकऱ्यांच्या उपस्थितीत रास्ता राेकाे आंदाेलन करण्यात येईल, असा इशारा भटके विमुक्त जमातीचे जिल्हाध्यक्ष सीताराम वनवे यांनी दिला आहे.
पाथरुड ३३ केव्हीए उपकेंद्रात कनिष्ठ अभियंता हे पद सहा महिन्यांपासून रिक्त आहे. वरिष्ठ तंत्रज्ञ नाना बाराते यांनी योग्य नियोजन करीत पाथरूडसह परिसरातील १५ गावांमध्ये सुरळीत विद्युत पुरवठा केला. त्यामुळे बाराते यांचे निलंबन मागे घेण्यात यावे, अशी मागणी युवासेना जिल्हाप्रमुख डाॅ. चेतन बाेराडे, वैजिनाथ म्हमाणे आदींची उपस्थिती हाेती.