जिल्हाध्यक्षपदी संजय पाटील
भूम : राष्ट्रवादी काँग्रेस व्हीजेएनटी सेलच्या जिल्हाध्यक्षपदी संजय वसंतराव पाटील आरसुलीकर यांची निवड झाली आहे. त्यांना राष्ट्रवादी काँग्रेसचे जिल्हाध्यक्ष सुरेश बिराजदार यांनी नियुक्तीचे पत्र दिले. यावेळी माजी युवक जिल्हाध्यक्ष नितीन बागल, प्रदेश कार्यकारिणी सदस्य मसूद शेख, उस्मानाबाद शहरध्यक्ष अय्याज शेख, राजकुमार घरत, भागवान पाटील आदी उपस्थित होते.
अक्षय मुळीक यांची अध्यक्षपदी नियुक्ती
कळंब : मराठा सेवा संघाच्या उस्मानाबाद येथे झालेल्या बैठकीत अक्षय सुब्राव मुळीक यांची वीर भगतसिंह विद्यार्थी परिषदेच्या उस्मानाबाद जिल्हाध्यक्षपदी नियुक्ती करण्यात आली. मराठा सेवा संघांचे जिल्हाध्यक्ष तुषार पाटील, संभाजी ब्रिगेडचे जिल्हाध्यक्ष तानाजी चौधरी, माजी जिल्हाध्यक्ष अतुल गायकवाड यांच्या हस्ते मुळीक यांना नियुक्तीपत्र देण्यात आले. यावेळी संभाजी ब्रिगेडचे जिल्हा सचिव आशिष पाटील, मनोज पाटील, आदित्य देशमुख, आकाश मुंडे, शिवदास पवार आदी उपस्थित होते. अक्षय मुळीक यांनी गेल्या पाच ते सहा वर्षांपासून वीर भगतसिंह विद्यार्थी परिषदेच्या विविध पदांवर काम केले आहे.
शेळगावात गरजूंना शेळ्यांचे वाटप
परंडा: प्रहार शिक्षक-शिक्षकेत्तर कर्मचारी संघटनेच्या वतीने तालुक्यातील शेळगाव येथील गरजू स्वाती पवार व प्रियंका दैन या महिलांना शेळ्यांचे वाटप करण्यात आले. यावेळी शेळगावचे नूतन सरपंच सुलोचना शेवाळे व उपसरपंच राजेंद्र जगताप यांचा सत्कारही करण्यात आला. कार्यक्रमास पं. स. सभापती अनुजा दैन, सतीश दैन, विष्णू शेवाळे, माणिकबाबा विद्यालयाचे प्राचार्य गुरूदास काळे, डॉ. लहू शेवाळे, शांतीनाथ वाघमारे, अकबर शेख, दत्तात्रय पुरी, जिल्हाध्यक्ष वैजीनाथ सावंत, रघुनाथ दैन, संतूक कडमपल्ले, धनंजय आंधळे, तालुकाध्यक्ष विनोद सुरवसे, ज्योती देशमुख, लक्ष्मण औताडे, शहाजी झगडे, मनीषा कुलकर्णी, निलेश कुलकर्णी, अमोल रणशूर आदी उपस्थित होते.