नगराध्यक्ष मकरंदराजे निंबाळकर यांच्या अध्यतेखाली मंगळवारी दुपारी १ वाजेच्या सुमारास विशेष सभेला सुरुवात झाली. प्रारंभी नगराध्यक्ष राजेनिंबाळकर यांनी समांतर पाणी पुरवठा याेजनेची का गरज आहे? हे सभागृहासमाेर मांडले. एक-दाेन वर्षाआड पडणारा दुष्काळ व कमी प्रमाणात झालेल्या पर्जन्यमानामुळे जिल्ह्यातील अन्य प्रकल्पातून राबविण्यात आलेल्या याेजनांद्वारे पुरेसा पाणी पुरवठा हाेत नाही. त्यामुळेच २००९ मध्ये केंद्र व राज्य सरकारच्या ‘यूआयडीएसएसएमटी’अंतर्गत सुमारे ११५ किमी अंतरावरील उजनी प्रकल्पावरून याेजना राबविण्यात आली. या याेजनेद्वारे दरराेज ८ एमएलडी पाणी मिळणे अपेक्षित हाेते; परंतु शहराच्या वाढत्या लाेकसंख्येमुळे या याेजनेचे पाणी शहराला कमी पडू लागले आहे. २०२१ पर्यंतची लाेकसंख्या विचारात घेता शहराला २६ एमएलडी पाण्याची गरज आहे. ही निकड लक्षात घेऊन अमृत याेजनेंतर्गत उजनी पाणी याेजनेची क्षमता वाढ करण्यास मंजुरी मिळाली. प्रतिदिन १६ एमएलडी पाणी उचलण्यासाठीच्या यंत्रणेचा यात अंतर्भाव हाेता. हे कामदेखील पूर्ण झाले आहे. तर उर्वरित १० एमएलडी पाणी तेरणा व रूईभर धरणातून मिळेल, असे गृहित धरले हाेते; परंतु सततच्या दुष्काळामुळे तेवढे पाणी मिळत नाही. त्यामुळे आता पुढील ३० वर्षातील लाेकसंख्या विचारात घेऊन शहरासाठी थेट उजनी धरणातूनच समांतर याेजना राबविण्याची गरज आहे. यासाठी सर्वप्रथम प्रकल्प अहवाल तयार करावा लागेल, असे ते म्हणाले. त्यानुषंगाने ठराव मांडला असता, सत्ताधारी तसेच विराेधी बाकावरील सदस्यांनी मंजुरी दिली. हे काम युद्धपातळीवर करून घेण्याचे निर्देश नगराध्यक्ष राजेनिंबाळकर यांनी मुख्याधिकारी हरिकल्याण येलगट्टे यांना दिले. सभेला उपनगराध्यक्ष अभय इंगळे, सीओ येलगट्टे यांच्यासह सदस्य उपस्थित हाेते.
चाैकट..
खासगी एजन्सी नेमण्यास विराेध...
समांतर पाणी याेजनेचा प्रकल्प अहवाल तयार करण्याचे काम जीवन प्राधिकरणास दिल्यास वेळेत अहवाल मिळणार नाही, असे नगराध्यक्ष राजेनिंबाळकर यांनी सांगितले. यापूर्वी आलेले अनुभवही त्यांनी सभागृहासमाेर मांडले, तसेच अनुभव गटनेते युवराज नळे, राजाभाऊ पवार, खलिफा कुरेशी, प्रदीप मुंडे यांनी कथन केले. त्यामुळे हे काम खासगी यंत्रणेकडून करण्याचे बहुमताने ठरले. पूर्वी एका एजन्सीने काहीअंशी हे काम केले आहे. त्यांच्याकडून ते पूर्ण करून घेण्याचे ठरले; मात्र स्वीकृत सदस्य उदय निंबाळकर यांनी विराेध दर्शविला. जीवन प्राधिकरणाकडेच हे काम द्यायचे, असे त्यांचे म्हणणे हाेते. तसा त्यांचा विराेध नाेंदविण्यात आला.
अहवाल येताच घेणार तांत्रिक मान्यता
समांतर पाणी पुरवठा याेजनेचा प्रकल्प अहवाल येताच त्यास तांत्रिक मान्यता घेण्यात येणार आहे. ही मान्यता घेतल्यानंतरच प्रस्ताव शासनाकडे सादर करण्यात येणार असल्याचे नगराध्यक्ष राजेनिंबाळकर यांनी सभागृहासमाेर स्पष्ट केले.