जिल्ह्याभरातील महिला रुग्णांची सोय व्हावी, त्यांची हेळसांड थांबावी म्हणून शहराच्या मध्यवर्ती ठिकाणी स्री रुग्णालय सुरू करण्यात आले. परंतु, या रुग्णालयातील असुविधांची श्रृंखला काही केल्या थांबण्याचे नाव घेत नाही. रुग्णालयाच्या इमारतीच्या तळ मजल्यावर प्रसूतीपूर्व महिलांना उपचार देण्यात येत आहेत, तर प्रसूतीपश्चात महिलांची सोय दुसऱ्या मजल्यावर करण्यात आली आहे. यारुग्णालयातील बेडची संख्या ६० इतकी आहे. मात्र, रुग्णालयात प्रसूतीसाठी येणाऱ्या महिलांची संख्या १०० ते १५०च्यावर आहे. त्यामुळे उपलब्ध बेड अपुरे पडत असून, महिलांना जमिनीवर अंथरूण टाकून उपचार घ्यावे लागत असतात. खाटाच्या संख्या कमी असतानाच मनुष्यबळही कमी पडत आहे. क्षमतेपेक्षा अधिक रुग्ण भरती असल्यामुळे संबंधित कर्मचाऱ्यांवर कामाचा ताण येत आहे.
पूर्ण सुविधा आहेत का?
स्री रुग्णालयात प्रतिदिन महिला रुग्णांची संख्या वाढत आहे. रुग्णांसाठी खाटांची पुरेशी संख्या नसल्याने महिला रुग्णांची गैरसोय होती. पिण्याच्या पाण्याचे टाकी सतत कोरडी असल्याने रुग्णांना बाहेरूनच जार किंवा पाण्याची बाटली घ्यावी लागते. शिवाय, रुग्णांच्या तुलनेत परिचारिकांची संख्याही अपुरी पडत आहे. मात्र, पर्याप्त मनुष्यबळाच्या संख्येवरच रुग्णसेवा देण्याचे काम डॉक्टर व परिचारिकांकडून केले जात आहे.
प्रतिक्रिया...
डॉक्टरांचा राउण्ड वेळेवर होत असतो. तपासणी करून औषधी लिहून दिली जाते. परिचारिकाही उपस्थित असतात. बाळाला डोसही वेळेवर देण्यात आले. येथे काही महिला रुग्णांना खाटा मिळत नाही. पुरेशी खाटांची व्यवस्था करणे गरजेचे आहे.
प्रीती आवटाळे, रुग्ण
नातेवाईक महिलेला दोन दिवसांपासून प्रसूतीसाठी दाखल करण्यात आले आहे. डॉक्टर वेळेवर तपासणी करीत आहेत. मात्र, रुग्णालयात पिण्याच्या पाण्याची सोय नसल्यामुळे बाहेरून पाणी आणावे लागते.
अनिल जाधव, रुग्णाचे नातेवाईक
डॉक्टरांचा वेळेवर राउण्ड होताे का?
महिला रुग्ण रुग्णालयात दाखल झाल्यानंतर रुग्णांची तपासणी केली जात असते. शिवाय, सकाळी ९ ते १० या वेळेत डॉक्टरांचा राउण्ड होत असतात.
प्रसूती विभाग नियमितपणे सुरू असतो. त्यामुळे डॉक्टरांच्या २४ तास ड्यूटी लावण्यात आल्या आहेत.
परिचारिका यादेखील त्यांच्या नेमून दिलेल्या वेळी हजर असतात. तसेच डॉक्टरांनी सांगितलेले काम व तपासणी वेळेवर करतात.