प्रशासकांनी स्वीकारली नगरपंचायतीची सूत्रे

लोहारा नगरपंचायत निवडणुकीच्या अनुषंगाने प्रभाग रचना, आरक्षण सोडतीचा कार्यक्रम झाला आहे. त्यानंतर जिल्हाधिकारी यांच्या ३० मार्चच्या आदेशानुसार लोहारा नगरपंचायतच्या सार्वत्रिक निवडणुकीकरिता मतदार यादी कार्यक्रम २०२१-२२ घेण्याचे आदेश दिले आहेत. या आदेशाप्रमाणे नगरपंचायतीच्या संकेतस्थळावर ऑनलाईन प्रभागनिहाय मतदार यादी प्रसिद्ध करण्यात आली आहे. या मतदार यादीवर १९ ते २९ एप्रिलपर्यंत हरकती व सूचनाही शहरातील जनतेकडून मागविण्यात आल्या. त्यात कोरोनाचा प्रादुर्भाव राज्यभर वाढत आहेत. त्यामुळे निवडूक आयोगाने सर्वच निवडणुका रद्द केल्या. त्यात लोहारा नगरपंचायतची निवडणूकही रद्द झाली. परिणामी विद्यमान नगराध्यक्षा ज्योती मुळे, उपनगराध्यक्ष प्रताप घोडके यांच्यासह सर्वच नगरसेवकांचा कार्यकाळ ६ मे रोजी गुरुवारी संपला. त्यामुळे जिल्हाधिकारी कौस्तुभ दिवेगावकर यांनी लोहारा नगरपंचायतीच्या प्रशासकपदी उपविभागीय अधिकारी विठ्ठल उमदले यांची नियुक्ती केली. ७ मे रोजी पदभार स्वीकारण्याच्या सूचनाही देण्यात आल्या होत्या. त्यानुसार उपविभागिय अधिकारी विठ्ठल उमदले यांनी नगराध्यक्षा ज्योती मुळे यांच्याकडून पदभार स्वीकारला. यावेळी मुख्यधिकारी गजानन शिंदे, कार्यालयीन अधिक्षक जगदिश सोडगे, नगरसेवक आदींची उपस्थिती हाेती.