आयुष्य मंत्रालय, फिट इंडिया, शिक्षण मंत्रालय (यूएई), स्किल इंडिया आणि एनएचडीसी यांच्या सहकार्याने हा ऑनलाइन सोहळा घेण्यात आला. यानिमित्त सद्‌गुरू यांच्या मार्गदर्शनात दोनदिवसीय विपश्यना सत्राचे आयोजन करण्यात आले. ५७ देशांना या सोहळ्यात निमंत्रित करण्यात आले होते. या देशातून विविध पुरस्कारांसाठी तब्बल २,७८५ नामांकने प्राप्त झाली. छानणीनंतर ८४ शैक्षणिक संस्था, शिक्षणतज्ज्ञांना पुरस्कार देऊन गौरविण्यात आले. टॉडलर्स शाळेचे संचालक इलियास रहीम यांना जागतिक स्तरावरील आघाडीच्या ६ बालशिक्षणातीलतज्ज्ञ म्हणून निमंत्रण होते. त्यांनी ‘बालकांच्या प्राथमिक शिक्षणाचा नवीन चेहरा’ या विषयावर आपले विचार मांडले. त्यांनी प्रामुख्याने ‘तंत्रज्ञानावर आधारित शिक्षण, शिकविण्यातील लवचिकता, ॲक्टिव्ह स्क्रीन टाइम आणि प्रभावी ऑनलाइन शिक्षण पद्धत तयार करणे यावर संवादात भर दिला. रहीम यांनी समारोपात ‘घर हे पहिली शाळा, तर शाळाही दुसरे घर’ याचे महत्त्व सांगितले, तसेच पालकांचा सहभाग हीच प्रभावी ऑनलाईन शिक्षणाच्या यशस्वीतेची एकसूत्री असल्याचे अधोरेखित केले.
कॅप्शन
टॉडलर्स नर्सरीने पटकावले दोन पुरस्कार