शिल्पा शेट्टीचा अनोखा अंदाज
बॉलिवूड अभिनेत्री शिल्पा शेट्टी आणि तिचा पती राज कुंद्रा सोशल मीडियावर प्रचंड सक्रिय असल्याचे पाहायला मिळते. त्यांचे व्हिडिओ सतत चर्चेत असतात. आता राज कुंद्राने शिल्पाचा एक नवा व्हिडिओ शेअर केला असून, तो चर्चेत आहे. व्हिडिओ शेअर करत त्याने ‘जर मी पंजाबमधील एखाद्या गावातील मुलीशी लग्न केले असते तर ती अशी दिसत असती’ या आशयाचे कॅप्शन दिले आहे. व्हिडिओमध्ये शिल्पा अनोख्या अंदाजात दिसत आहे. हा व्हिडिओ फेस फिल्टरने बनवण्यात आला असून, यामध्ये शिल्पा पंजाबी मुलगी वाटत आहे. व्हिडिओच्या बॅकग्राउंडमध्ये ‘लाँग-लाची’ हे गाणे सुरू आहे. राजच्या या व्हिडिओवर अनेकांनी कमेंट आणि लाइकचा वर्षाव केला आहे. तसेच हा व्हिडिओ सोशल मीडियावर तुफान व्हायरल झाला आहे.
‘द फॅमिली मॅन २’चा टीझर प्रदर्शित
अभिनेता मनोज वाजपेयी याची प्रमुख भूमिका असलेली ‘द फॅमिली मॅन’ ही वेब सिरीजच्या सीझनचे बरेच कौतुक झाले होते. या सिरीजमध्ये दाखवण्यात आलेल्या मध्यमवर्गीय कुटुंबातील मनोज वाजपेयीने अनेकांची मने जिंकली होती. आता या सिरीजचा दुसरा सीझन प्रेक्षकांच्या भेटीला येणार असून, त्याचा टीझर प्रदर्शित झाला आहे. ‘द फॅमिली मॅन २’ या सिरीजच्या एक मिनिट सहा सेकंदाच्या टीझरमध्ये श्रीकांत म्हणजे मनोज वाजपेयीच्या आयुष्यात काहीतरी समस्या असल्याचे पाहायला मिळते. तसेच सर्वजण तो गायब असल्याचे बोलताना दिसत आहेत. टीझरच्या शेवटी मनोज वाजपेयीची झलक पाहायला मिळते.