पटेलनगरात मोटारसायकल चोरी
औरंगाबाद: नारेगाव परिसरातील पटेलनगरात घरासमोर उभी मोटारसायकल क्रमांक (एमएच २०- एफजे २१५३) चोरट्यांनी २० मार्च रोजी पळविली. याविषयी सय्यद सद्दाम सय्यद गौस यांनी पोलिसात तक्रार नोंदविली.
अवैध दारू विक्रेता पकडला
औरंगाबाद: चोरट्या मार्गाने दारू विक्री करताना शरद बाळाराम इंगळे (५२) या रिक्षाचालकाला गुन्हे शाखा पोलिसांनी अटक केली. हवालदार रवींद्र खरात यांनी ही कारवाई केली.
संतोषीमाता नगरात दारू विक्रेत्यावर कारवाई
औरंगाबाद: संतोषीमातानगरात चोरट्यामार्गाने दारू विक्री करताना सुधाकर गणपत शेजुळ (३२)यास पोलिसांनी अटक केली. आरोपीकडून २ हजार ६०० रुपयांची दारूसाठा जप्त केला.
घराच्या वादातून महिलेला मारहाण
औरंगाबाद: घराच्या वादातून महिलेला आरोपी सलीमखान महेताब खान पठाण यांनी मारहाण करून जखमी केले. २० मार्च रोजी नारेगावमधील पटेलनगरात ही घटना झाली. याप्रकरणी महिलेने एमआयडीसी सिडको ठाण्यात तक्रार नोंदविली.