औरंगाबाद : शिक्षणाचा ‘अ’ सुद्धा कोणी गिरवला नाही, अशा कुटुंबात जन्माला आलेला, तांड्यावर बालपण गेलेला, शाळा संपली की गुरं चारण्यासाठी नेणारा मुलगा,असामान्य इच्छाशक्तीद्वारे डॉ. बाबासाहेब आंबेडकर मराठवाडा विद्यापीठात प्रोफेसर होतो. अध्यापन, अध्ययन करीत, विविध संशोधन करतो, एमफील, पीएच.डीच्या विद्यार्थ्यांचा मार्गदर्शक बनतो. स्वत: विपुल लेखन करून इतर नवोदिताना लेखनासाठी प्रेरित करीत साहित्य चळवळ उभारतो. देशभरातील नामांकित विद्यापीठातील विविध पदांवर काम करताना गोरगरीब, गरजूंना मदत करणारा, वडिलांच्या वारकरी संप्रदायाचा वारसा पुढे चालू ठेवत भजन महोत्सव भरवित सामाजिक बांधिलकी जपणारा आणि आता राजकीय क्षेत्रातही आपल्या नावाचा दबदबा निर्माण करणारे, असे चतुरस्त्र व्यक्तीमत्व असलेले प्रोफेसर डॉ. रमेश जाधव यांची यशोगाथा नवयुवकांसाठी प्रेरणादायीच ठरत आहे.
एखाद्या चित्रपटाची कथा शोभेल अशीच जीवनगाथा प्रो. डॉ. रमेश जाधव यांची आहे. डॉ.बाबासाहेब आंबेडकर मराठवाडा विद्यापीठातील मराठी भाषा व वाङ्मय विभागात प्रोफेसर म्हणून जाधव हे सध्या कार्यरत आहे. ‘गॉडफादर’ पाठीशी नसताना त्यांचा संपूर्ण जीवनप्रवास संघर्षमय झाला आहे. पदोपदी त्यांना आपल्या स्वत:ला सिद्ध करण्यासाठी बौद्धीक क्षमतेची अग्नीपरीक्षा द्यावी लागली. त्यांचे हे यश सहन न झालेल्याच्या षङ्यंत्राला त्यांना तोंड द्यावे लागले; मात्र त्यांनी फुले,शाहू, आंबेडकर यांच्या विचारांची कास कधीच सोडली नाही.
हे वाचून आपणास आता प्रो.डॉ. रमेश जाधव यांच्या व्यक्तिमत्त्वाचे वैविधपैलू जाणून घेण्यासाठी उत्सुकता निर्माण झाली असेल.
( अर्धेपान जाहीरात पुरवणीसाठी मुख्य मॅटर)