-अभिनेत्री प्रियंका चोप्राने नव्या अंदाजात एक फोटोशूट केले आहे. हे फोटो आता सोशल मीडियातून समोर आले असून, सगळीकडे तिचीच चर्चा सुरू असल्याचं पाहायला मिळत आहे. प्रियंकाने आपल्या इन्स्टाग्राम अकाऊंटवर हे फोटो शेअर केले आहेत. ज्यामध्ये ती हटके अंदाजात दिसून येत आहे. खासकरून तिची हेअरस्टाइल. कॉक हेअरस्टाइलमुळे तिचा संपूर्ण लूक चेंज झाला आहे. तिला पाहून असं वाटतं की, तिने हेअर कट केला आहे; परंतु प्रियंकाने कोणताही हेअरकट केलेला नसून तिने केस बांधले आहेत. तसेच तिने केस वेगळ्या प्रकारे सेट केले आहेत. तसेच फोटोशूटमध्ये ती वेगळ्या स्टाइल्सच्या ड्रेसेसमध्ये दिसून आली आहे. केवळ भारतातच नाहीतर, हॉलिवूडमध्येही प्रियंकाच्या या फोटोशूटची चर्चा होत आहे.
क्रिकेटर इरफान पठाणची चित्रपटात एन्ट्री
भारतीय क्रिकेट टीमचा माजी ऑलराऊंडर खेळाडू इरफान पठाण आता चित्रपटात आपला दम दाखवणार आहे. इरफान तमिळ चित्रपट ‘कोबरा’ (Cobra) मधून तो सिनेजगतात येतोय. ‘कोबरा’ चित्रपटाचा टीझर देखील नुकताच रीलिज झाला आहे. अल्पवधीतचा टीझर चाहत्यांच्या पसंतीस उतरला आहे. चित्रपटात सुपरस्टार विक्रम मुख्य भूमिकेत असून इरफानची छोटी पण महत्त्वाची भूमिका असणार आहे. चियान विक्रम या चित्रपटात भारतीय हेराची भूमिका साकारत असून, बऱ्याच वेगवेगळ्या लूकमध्ये दिसणार आहे, तर इरफान एका तुर्की इंटरपोल अधिकाऱ्याची भूमिका साकारत आहे. अजय गनामुत्थु हे सिनेमाचे दिग्दर्शक आहेत, तर केएस रवी कुमार, श्रीनिधी हे सहकलाकार आहेत.
साडी आणि सोज्वळतेसोबत सईचे फोटोशूट
अभिनयासह फॅशन आणि स्टाइलबाबत सई ताम्हणकर तितकीच सजग आहे. ट्रेंडपेक्षा स्वतः एखाद्या स्टाइलमध्ये किती कम्फर्टेबल आहोत याला ती अधिक प्राधान्य देते. सईने नुकतेच साडी परिधान केलेले काही फोटो सोशल मीडियावर शेअर केले आहेत. यात तिने ग्रे रंगाची साडी परिधान केली आहे. साडी और सादगी के संग संग .. असं कॅप्शन सईने या फोटोंना दिले आहे. फॅन्सनाही साडीमधला तिचा हा अंदाज आवडला आहे. त्यांनी फोटोवर लाइक्स आणि कमेंट्सचा वर्षाव केला आहे. सई सध्या 'महाराष्ट्राची हास्य जत्रा' या शोमध्ये जजच्या भूमिकेत आहे. वर्कफ्रंटबद्दल सांगायचं तर ती लवकरच ‘कलरफुल’ या चित्रपटात दिसणार आहे.