ग्लोबल स्टार प्रियंका चोप्राचे न्यूयॉर्कमध्ये एक इंडियन रेस्टॉरंट सुरू होत आहे. प्रियंकाने स्वत: सोशल मीडियावर ही माहिती देऊन रेस्टॉरंटच्या पूजेचे फोटो शेअर केले आहेत. तिने लिहिले, ‘न्यूयॉर्क सिटीत सादर आहे, एक नवे रेस्टॉरंट सोना. या रेस्टॉरंटमध्ये भारतीय खाद्यपदार्थांबद्दलचे माझे प्रेम मिळेल. भारत आणि ज्या चवीसोबत मी मोठे झाले, त्याची झलक येथे तुम्हाला पाहायला मिळेल. सोना या महिन्याच्या अखेरपर्यंत सुरू होत आहे, आपली प्रतीक्षा असेल.’ शेअर केलेल्या पहिल्या फोटोत तिच्या रेस्टॉरंटचे नाव आहे. दुसऱ्या फोटोत प्रियंका आणि तिचा मित्र मनीष दिसतोय, तर तिसऱ्या फोटोत ती पती निकसोबत दिसतेय.
पूजा सावंतचा ब्युटी इन ब्लॅक अंदाज
पूजा सावंतने विविध सिनेमांमधून दर्जेदार भूमिका साकारत चित्रपटसृष्टीत स्वतःची वेगळी ओळख निर्माण केली आहे. तिने सोशल मीडियात नुकतेच एक फोटोशूट शेअर केले आहे. हे फोटोशूट ब्लॅक ड्रेसमध्ये आहे. यात फोटोत ती खूपच ग्लॅमरस दिसत आहे. ब्लॅक रंगाच्या ड्रेसने पूजाच्या सौंदर्याला चार चांद लागले आहेत. फोटोला तिने आकाशगंगेत चालताना असे सुंदर कॅप्शन दिले आहे. यावर तिचे चाहते लाइक्स आणि कमेंट करून प्रशंसा करत आहेत. लवकरच पूजा 'दगडी चाळ २'मध्ये दिसणार आहे. सध्या पूजा महाराष्ट्राच्या बेस्ट डान्सरमध्ये परीक्षकाची भूमिका साकारते आहे.
'घोस्ट रायडर'ने केले पाचवे लग्न
हॉलिवूडपट घोस्ट रायडरचा अभिनेता निकोलस केज हा त्याच्या चित्रपटासोबतच वैयक्तिक आयुष्यामुळे देखील नेहमीच चर्चेत असतो. त्याने नुकतेच लग्न केल्याची चर्चा सोशल मीडियावर रंगली आहे. ५७ वर्षीय निकोलस केजने २६ वर्षीय जपानी गर्लफ्रेंड रिको शिबाटासोबत लाल वेगास येथील एका हॉटेलमध्ये लग्न केलं. निकोलसचे हे पाचवे लग्न असून, त्याची पत्नी त्याच्यापेक्षा तब्बल ३१ वर्षांनी लहान आहे. निकोलसने ‘हो हे खरे आहे आणि आम्ही दोघेही आमच्या या नव्या नात्यामुळे प्रचंड खूश आहोत’, अशी प्रतिक्रिया दिली आहे. निकोलसने अगदी जवळच्या लोकांच्या उपस्थितीत लग्न केले असून, त्यानंतर छोटंसं सेलिब्रेशन देखील ठेवण्यात आलं होतं. विशेष म्हणजे निकोलसची एक्स पत्नीदेखील यावेळी उपस्थित होती.