तिसऱ्या मजल्यावरून पडल्याने रुग्ण ठार

औरंगाबाद : एमजीएम दवाखान्यात उपचार घेत असलेल्या रुग्णाचा तिसऱ्या मजल्यावरून पडल्याने मृत्यू झाल्याची घटना काल रात्री घडली. पोलिसांनी सांगितले की, सिल्लोड तालुक्यातील वडाळा येथील शेतकरी अप्पासाहेब दगडू शेळके (४७) आजारी असल्याने त्यास ७ आॅगस्ट रोजी उपचारासाठी एमजीएम उपचारासाठी दाखल केले होते. त्याच्यावर तिसऱ्या मजल्यावरील अतिदक्षता विभागात उपचार सुरू होता. रात्री झोप न आल्याने बारा- साडेबारा वाजता अप्पासाहेब पलंगावरून उठून बाहेर गॅलरीत गेला. सिडीजवळ उभा असताना तो अचानक तिसऱ्या मजल्यावरून खाली पडला. रुग्ण खाली पडून जोरदार आवाज झाल्याने एकच गोंधळ उडाला. नातेवाईक व सुरक्षारक्षकांंनी जखमी अप्पासाहेब यांना अपघात विभागात दाखल केले असता, डॉक्टरांनी तपासून मयत घोषित केले. याविषयी सिडको ठाण्यात नोंद करण्यात आली असून, अधिक तपास जमादार महेमूद पठाण करीत आहेत.