स. सो. खंडाळकर
औरंगाबाद : ना कुणी कॉल केला, ना ओटीपी मागितला, तरी बँक खात्यातून रकमा गायब होत असल्याचे प्रकार घडत आहेत. मोबाइलवर फ्री गेम ॲप, ऑनलाइन पेमेंट ॲप डाऊनलोड केल्यानंतर अशी फसवणूक होत आहे. अनेट ॲपमध्ये ''ऑटो रिड ओटीपी'' परवानगी घेतली जाते. त्यातून असे प्रकार वारंवार घडत आहेत.
.............................................
*ऑनलाइन फसवणुकीचे गुन्हे....
*२०१९-८०
*२०२०-९०
*२०२१ मेअखेर-३९
*२०२० मध्ये ५७ लाख रुपयांची रिकव्हरी करण्यात आली.
* गतवर्षी १८ आरोपींना अटक करण्यात आली. त्यात महिला आरोपींचाही समावेश आहे.
.....................
जागरूकता महत्त्वाची...
सायबर गुन्ह्यांमधून बचावण्यासाठी जागरूकता महत्त्वाची आहे. गुन्ह्यात न अडकता, आमिषांना बळी न पडल्यास फसवणूक होऊ शकणार नाही. म्हणून काळजी घ्या, सावधगिरी बाळगा.
_रवींद्र साळोखे, एसीपी, सायबर क्राइम
.....................................
पासवर्ड देऊ नका.....
''कोणत्याही आमिषाला बळी न पडता स्वतःचा पासवर्ड न सांगणं हिताचं. दिवसेंदिवस सायबर क्राइमचे गुन्हे वाढत आहेत. प्रत्येकानं काळजी घेत सावध राहणं हाच सर्वोत्तम उपाय होय''
- गीता बागवडे, पोलीस निरीक्षक, सायबर क्राइम
...................................................
फसवणुकीची आकडेवारी : सोशल मीडिया
*फेसबुक/ फेक-६२
*फेसबुक इतर-९
*व्हाॅट्सॲप-२२
*ट्विटर-४
*इन्स्टाग्राम-२९
*ईद मेल हॅक-४
*सेक्सॉर्टन-९
*सोशल मीडिया इतर-३५
*एकूण : १७४
...............................
अनलाइन फ्रॉड
*लोन फ्रॉड-८
*ओटीपी फ्रॉड-२०
*फोन फ्रॉड-७९
*जॉब फ्रॉड-५
*एटीएम फ्रॉड-१५
*क्रेडिट कार्ड-८
*केवायसी फ्रॉड-१
*ओएलएक्स फ्रॉड-२
*बिझनेस फ्रॉड-७
*एकूण-१४५
.............................
सायबर क्राइममध्ये फसवणुकीचे प्रकार वाढत आहेत. वर्षाला किती पैसे लुटले जातात,याचा अंदाजही लावणे अवघडच. अधूनमधून फसवणुकीच्या बातम्या प्रसिद्ध झाल्या की, डोळे उघडतात. आधार लिकिंगमुळे कोणाच्या खात्यावर किती पैसे हे कळणे सोपे झाले आहे. वेगवेगळी आमिषे दाखवून पैसे साफ होत असल्याचे जणू नित्याचेच झाले आहे. भविष्यात ही गुन्हेगारी मोठ्या प्रमाणावर वाढणार आहे. तिला आळा घालण्याचे मोठे आव्हान निर्माण होणार आहे. सायबर गुन्हेगारीला आळा घालण्यासाठी पोलीस यंत्रणाही तेवढीच सुसज्ज असण्यावर भर देण्याची गरज आहे. तपासच लागत नाही म्हटल्यास गुन्हेगारीचा विस्फोट झाल्याशिवाय राहणार नाही.