मुंडेंच्या समावेशाचे उत्स्फूर्त स्वागत

बीड : जिल्ह्याचे भूमिपुत्र व भाजपचे ज्येष्ठ नेते गोपीनाथ मुंडे यांची केंद्रीय मंत्रिमंडळात ग्रामीण विकास मंत्री म्हणून सोमवारी वर्णी लागली. जिल्ह्याला केंद्रात कॅबिनेट मंत्रीपद मिळाल्याने जिल्हावासियांचा उर भरून आला. ठिकठिकाणी मिरवणुका काढण्यात आल्या. उत्साही कार्यकर्त्यांनी फटाक्यांची आतषबाजी करून जोरदार घोषणाबाजी केली. त्यामुळे संपूर्ण जिल्हा दणाणून गेला. बीडमध्ये आनंदोत्सव खा. गोपीनाथ मुंडे नामदार झाल्यानंतर बीडमध्ये भाजप- सेना कार्यकर्त्यांनी आनंदोत्सव साजरा केला. पेठबीड भागात फटाक्यांची आतषबाजी करण्यात आली. यावेळी भाजयुमोचे राज्य कोषाध्यक्ष भगीरथ बियाणी, महावीर कोठारी, गोपाल पारीख, शेख फारूक, अज्जू जहागीरदार, दत्ता परळकर, पवन लोहट, भैय्या पांढरे आदी उपस्थित होते. माजलगावात रॅली माजलगाव शहरात ज्येष्ठ नेते गोपीनाथ मुंडे यांचा शपथविधी सुरू असताना ठिकठिकाणी फटाके फोडून आनंदोत्सव साजरा करण्यात आला. यावेळी पेढ्यांचेही वाटप करण्यात आले. शहरातून निघालेल्या रॅलीने सर्वांचे लक्ष वेधले. यावेळी अरुण राऊत, मनोज जगताप, ईश्वर खुर्पे, भाई गंगाभिषण थावरे, रफिक तांबोळी, बबन सिरसट, मनोज फरके, तुकाराम येवले, सूर्यकांत दराडे, ज्ञानेश्वर मेंडके, कमल बजाज, दीपक मेंडके उपस्थित होते. परळीत जल्लोष खा. गोपीनाथ मुंडे यांची जन्मभूमी असलेल्या परळीमध्ये नागरिकांनी एकच जल्लोष केला. मुंडेंच्या नाथरा या गावीही कार्यकर्त्यांनी अक्षरश: दिवाळी साजरी केली. परळीमध्ये शहराध्यक्ष जुगलकिशोर लोहीया, शांतीलाल जैन, विकासराव डुबे, माऊली फड, सुरेश गिरडे, राजेंद्र ओझा, महादेवअप्पा इटके, उमेश खाडे, नरेश पिंपळे, प्रदीप कुलकर्णी, नितीन समशेटे, राजेंद्र लोढा, शेख फतरू यांच्यासह असंख्य कार्यकर्त्यांनी रॅली काढली. परळीतील अनेकांनी मुंडेंचा शपथविधी प्रत्यक्ष पाहण्यासाठी दिल्ली गाठली. भूमिपुत्र देशाचा मंत्री झाल्यामुळे परळीकरांमध्ये प्रचंड उत्साह दिसून आला. गेवराईत आतषबाजी गेवराईमध्ये अ‍ॅड. लक्ष्मण पवार यांच्यासह कार्यकर्त्यांनी मुंडेंच्या निवडीचे जोरदार स्वागत केले. शहरात ठिकठिकाणी फटाके फोडून, पेढे वाटून आनंद द्विगुणित करण्यात आला. यावेळी कार्यकर्त्यांनी नरेंद्र मोदी व गोपीनाथ मुंडे यांच्या नावाने घोषणाबाजी केली. आष्टी तालुक्यात पेढ्यांचे वाटप आष्टी, कडा, करेवाडी येथे पेढे वाटून आनंदोत्सव साजरा झाला. भाजयुमो जिल्हा सरचिटणीस राम खाडे, सरपंच सोपान सांगळे, दादासाहेब राऊत, संजय गुंड, ज्ञानेश्वर थोरवे, तात्यासाहेब जेधे, हनुमंत सांगळे, जालिंदर नागरगोजे, राजेश कराड, बाळासाहेब लोखंडे आदी उपस्थित होते. (प्रतिनिधींकडून)