औरंगाबाद : जिल्हा केमिस्ट अँड ड्रगिस्ट असोसिएशनचे मुख्यालय असलेली इमारत म्हणजे औषधी भवन या वास्तूच्या २९ व्या वर्धापन दिनानिमित्त सोमवारी घेण्यात आलेल्या रक्तदान शिबिरात ५७ दात्यांनी रक्तदान केले. यावेळी अन्न व औषध प्रशासनच्या अधिकाऱ्यांना ‘कोरोना योद्धा’ सन्मानपत्र देऊन गौरविण्यात आले.
शिबिराचे उद्घाटन आ. सतीश चव्हाण यांच्याहस्ते झाले. याप्रसंगी अन्न व औषध प्रशासनचे सहआयुक्त संजय काळे , सहायक आयुक्त मिलिंद काळेश्वरकर, औषध निरीक्षक राजगोपाल बजाज, जीवन जाधव, वर्षा महाजन यांना ‘कोरोना योद्धा’ हे सन्मानपत्र देऊन गौरविण्यात आले.
संघटनेचे अध्यक्ष रावसाहेब खेडकर यांनी औषधी भवन या इमारतीच्या बांधकामाच्यावेळी घडलेल्या अनेक प्रसंगांची माहिती दिली.
संजय काळे यांच्याहस्ते औषध विक्रेते, वितरक आणि टास्क फोर्समधील केमिस्ट यांचा ‘कोरोना योद्धा’ हे सन्मानचिन्ह देऊन गौरव करण्यात आला.
व्यापारी महासंघाचे अध्यक्ष जगन्नाथ काळे, मराठवाडा संघटनेचे अध्यक्ष चंद्रशेखर गाडे, महाराष्ट्र संघटनेचे माजी उपाध्यक्ष विजय नांदापूरकर यांची उपस्थिती होती.
संघटनेचे माजी सचिव दिलीप ठोळे यांनी मनोगत व्यक्त केले. प्रास्ताविक संघटनेचे सचिव विनोद लोहाडे यांनी केले. सूत्रसंचालन मनोहर कोरे आणि निखिल सारडा यांनी केले. संघटनेचे उपाध्यक्ष शैलेंद्र रावत यांनी आभार मानले.
कार्यक्रमाच्या यशस्वीतेसाठी विनोद लोहाडे, निखिल सारडा, सागर पाटील, नितीन देशमुख, सुनील देशमुख, बाबूराव सोनवणे, किरण जोशी, पवनचंद सिंगी, रईस शेख यांनी प्रयत्न केले.
फोटो ओळ...
औरंगाबाद जिल्हा केमिस्ट अँड ड्रगिस्ट असोसिएशनतर्फे आयोजित रक्तदान शिबिराचे उद्घाटन दीपप्रज्ज्वलन करून करताना आ. सतीश चव्हाण. यावेळी उपस्थित अन्न व औषध प्रशासनचे अधिकारी, असोसिएशनचे पदाधिकारी.