ऑनलाईन लोकमत
औरंगाबाद : सिल्लोड तालुक्यातील पालोद जवळ गुरुवारी मध्यरात्री भाड्याच्या क्रुझर गाडीतील 3 ते 4 प्रवास्यांनी चालकाचा खून करुन गाडी पळवली.
तीन ते चार अज्ञात प्रवास्यांनी गुरुवारी औरंगाबाद येथून बाहेर गावच्या प्रवासासाठी एमएच- 20-ईई-3481 या क्रमांकाची क्रूझर गाडी भाड्याने केली. प्रवासा दरम्यान मध्यरात्री अंदाजे 02:00 च्या दरम्यान गाडी सिल्लोड तालुक्यातील पालोड जवळ आली असता गाडीमधील प्रवास्यांनी चालकाचा धारदार शस्त्राने खून केला व गाडी घेऊन पलायन केले.
घटनेची माहिती मिळताच सिल्लोड ग्रामीणचे सहायक पोलिस निरीक्षक शंकर शिंदे व गुन्हेशाखा पुढील तपास करत आहेत. आरोपी व वाहनाच्या शोधासाठी विविध पथकांची स्थापना केली असून ते ठीक ठिकाणी रवाना झाले आहेत.