करिअर मार्गदर्शन चर्चासत्र आज

औरंगाबाद : लोकमत व गीतम युनिव्हर्सिटी यांच्या संयुक्त विद्यमाने रविवारी (दि.१७) ‘गीतम स्कॉलर-२०१६’ या करिअर मार्गदर्शन चर्चासत्राचे आयोजन करण्यात आले आहे.‘लोकमत भवन’च्या पाठीमागील हॉलमध्ये दुपारी ४ वाजता चर्चासत्रास सुरुवात होणार आहे. हैदराबाद येथील गीतम युनिव्हर्सिटीचे सहायक प्रशासकीय संचालक डॉ. के. शिवकुमार, सावित्रीबाई फुले पुणे विद्यापीठाचे सहायक प्रोफेसर वैभव जोशी मार्गदर्शन करणार आहेत. बारावीनंतर कोणते अभ्यासक्रम, विषय निवडावेत, अभ्यास कसा करावा, हे प्रश्न विद्यार्थ्यांना भेडसावत असतात. आपल्या पालकाने योग्य विषय निवडून आयुष्यात तो यशस्वी व्हावा, अशी प्रत्येक पालकाची इच्छा असते. पाल्याच्या करिअरबाबत त्यांच्या मनात अनेक शंका असतात. या सर्व शंकांचे निरसन चर्चासत्रात केले जाणार आहे. जे विद्यार्थी आपल्या भविष्याबाबत उत्सुक आहेत, योग्य करिअर निवडण्यासाठी त्यांना अडचणी येतात, अशा विद्यार्थ्यांना तज्ज्ञ मंडळी मार्गदर्शन करणार आहेत. या चर्चासत्रात ११ वी व १२ वीचे विद्यार्थी तसेच पालकांना सहभागी होता येईल. ‘गीतम स्कॉलर’च्या गुणवंत विद्यार्थ्यांचा यावेळी सत्कार केला जाणार आहे. याशिवाय पालकांसाठी ‘पापा कहते है’ ही स्पर्धा घेण्यात येईल.