पैठण : एसटी वळवायला तुला इतकी जागा लागते का, असे म्हणून दुचाकी आडवी लावत, बसचालकाला बसखाली खेचून चौघांनी बेदम मारहाण केली. ही घटना शहागड फाट्याजवळ सोमवारी दुपारी १ वाजता घडली आहे. या प्रकरणी चौघांविरोधात पैठण पोलीस ठाण्यात गुन्हा दाखल करण्यात आला असून, दोघांना ताब्यात घेण्यात आले आहे.
पैठण आगारातील एसटी चालक मिथुन गायकवाड यांनी दिलेल्या फिर्यादीनुसार, बस (क्र. एम.एच. ४०.एन ९७७५) गोपेवाडीकडे घेऊन जात होते. शहागड फाट्याजवळ बस वळवित असताना, दुचाकीवर आलेल्या सय्यद मुजम्मील सय्यद मेहमुद (रा. साळीवाडा, पैठण) याने तुला बस वळवायला इतकी जागा लागते का, असे म्हणून दुचाकी आडवी लावली व चालकाला बसखाली खेचून मारहाण सुरू केली. यानंतर, त्याने फोन करून मित्रांना बोलावून घेतले. यानंतर, तेथे आलेल्या सय्यद मोईज सय्यद मेहमूद गायकवाड यांना बाजूच्या गॅरेजमध्ये ओढत नेऊन तेथे गॅरेज चालकासह चौघांनी बेदम मारहाण केली. याबाबत पोलिसांना माहिती मिळताच त्यांनी घटनास्थळी धाव घेतली. यावेळी दोघे जण पळून गेले, तर दोघांना पोलिसांनी अटक केली आहे. पाहून दोघे जण पळून गेले, तर दोघांना पोलिसांनी ताब्यात घेतले. या प्रकरणी चौघा जणांवर गुन्हा दाखल करण्यात आला असून, पुढील तपास पोउनि. रामकृष्ण सागडे करीत आहेत.
फोटो : बसचालकाने बस पोलीस ठाण्यात आणून मारहाण करणाऱ्या आरोपींवर गुन्हा दाखल केला.