सोनू बागवान असे आरोपीचे नाव आहे. पोलिसांनी सांगितले की, तक्रारदार महिलेच्या दिराला आरोपी बागवान आणि त्याचा साथीदार शिवीगाळ आणि मारहाण करीत असल्याचे पाहून महिला आणि तिचा पती धावले असता आरोपींनी त्यांनाही मारहाण केली. यावेळी एकाने महिलेचा विनयभंग केला. जयभवानी चौकात भररस्त्यात घडलेल्या या घटनेमुळे काही काळ गोंधळ उडाला होता. या घटनेची माहिती मिळताच सहायक पोलीस निरीक्षक घनश्याम सोनवणे आणि कर्मचाऱ्यांनी घटनास्थळी धाव घेऊन आरोपींना पकडले.
=====================
एलआयसी कार्यालयाच्या पार्किंगमधून दुचाकी पळविली
औरंगाबाद : सिडको एन-५ येथील एलआयसी कार्यालयाच्या पार्किंगमध्ये उभी केलेली मोटारसायकल चोरट्यांनी ११ डिसेंबर रोजी दुपारी चोरून नेली. याविषयी हुसे प्रभू धोंडीबा चनप्पा (रा. हनुमाननगर) यांनी सिडको ठाण्यात तक्रार नोंदविली.
=====================
पुंडलिकनगर येथे मोटारसायकल चोरी
औरंगाबाद : पुंडलिकनगर येथे घरासमोर उभी केलेली मोटारसायकल ६ डिसेंबर रोजी चोरट्यांनी पळविली. याविषयी अश्वजित सुभाष जाधव यांनी पुंडलिकनगर ठाण्यात तक्रार नोंदविली.
=============
विनयभंग करणाऱ्याविरुद्ध गुन्हा
औरंगाबाद : दूध आणण्यासाठी लहान बाळासह घराबाहेर पडलेल्या महिलेचा १२ डिसेंबर रोजी रात्री ८.४५ वाजता विनयभंग करणाऱ्या आरोपीविरुद्ध पोलिसांनी गुन्हा नोंदविला. अखिल हसन शेख (३०), असे आरोपीचे नाव आहे.
=================
पैशासाठी तरुणावर हल्ला
औरंगाबाद : दारू पिण्यासाठी पैसे न देणाऱ्या अक्षय संतोष शिनगारे (२०, रा. जयभवानीनगर) याच्यावर आरोपी घनश्याम वैद्य याने धारदार शस्त्राने वार केले. ही घटना ११ डिसेंबर रोजी रात्री ११ वाजता घडली. याविषयी अक्षय यांनी जवाहरनगर पोलीस ठाण्यात गुन्हा नोंदविला. सहायक फौजदार दत्तात्रेय बोटके तपास करीत आहेत.
================