वºहाडीच्या नावाखाली अवैध वाहतूक

 वडवणी: सध्या लग्नाचा धुमधडाका सर्वत्र सुरू असून, लग्नाच्या वºहाडाच्या नावाखाली तालुक्यात सर्वत्र खाजगी वाहनांकडून अवैध वाहतूक केली जात आहे. क्षमतेपेक्षा अधिक प्रवासी घेऊन जात असल्याने अपघाताची शक्यता निर्माण झाली आहे. या अवैध वाहतुकीला आळा बसविण्यासाठी पोलीस प्रशासनाने कठोर कारवाई करावी, अशी मागणी सुजाण नागरिकांतून केली जात आहे. सध्या लग्नाचा मोसम धुमधडाक्यात सुरु आहे. ग्रामीण भागातील वºहाडींना लग्नाच्या ठिकाणी घेऊन जाण्यासाठी अवैध वाहतूक मोठ्या प्रमाणात केली जात आहे. टेम्पो, ट्रकसह जीपचाही मोठ्या प्रमाणात वºहाडी घेऊन जाण्यासाठी वापर केला जात आहे. तर काही ठिकाणी वºहाडी घेऊन जाण्याच्या नावाखाली सर्रास अवैध वाहतूक केली जात आहे. या वाहनांवर कारवाई करण्यासाठी पोलीस प्रशासनाकडून कुठलेही पाऊल उचलले जात नसल्याने हे खाजगी वाहनधारक मोठ्या प्रमाणात वाहतूक करू लागले आहेत. तालुक्यातील कुप्पा, चिंचाळा, दुकडेगाव, परडी माटेगाव या भागात याचे अधिक प्रमाण दिसून येत आहे. वडवणी शहरातील तेलगाव रोड, बीड रोड, साळिंबा रोड, चिंचवण रोड या भागात खाजगी वाहनधारक क्षमतेपेक्षा अधिक प्रवासी घेऊन जात असल्याने अपघाताची शक्यता निर्माण झाली आहे. याबाबत काही पोलीस कर्मचारी या वाहनांवर कारवाई करण्यासाठी गेले असता त्यांना लग्नाचे वºहाडी मंडळी घेऊन जात असल्याचे कारण सांगत आपली सुटका करुन घेत असल्याचे काही खात्रीलायक सूत्रांनी सांगितले. पोलिसांची फसवणूक करुन वºहाडीच्या नावाखाली अवैध वाहतूक करणार्‍या खाजगी वाहनांवर कठोर कारवाई करावी व होणारे अपघात टाळावेत, अशी मागणी सुजाण नागरिकांसह प्रवाशांमधून केली जात आहे. याबाबत वडवणीचे सहायक पोलीस निरीक्षक संतोष साबळे म्हणाले, कुठलाही खाजगी वाहनधारक क्षमतेपेक्षा अधिक प्रवासी घेऊन जात असल्याचे आमच्या निदर्शनास आल्यास आम्ही त्यांच्यावर कठोर कारवाई करू. प्रत्येक चौकासह महामार्गावर आमचा ‘वॉच’ असणार आहे. अपघात टाळण्यासाठी आम्ही प्रयत्न करू. (वार्ताहर)