२०८ स्त्रोतांचे पाणी दूषित

उमानाबाद : सार्वजनिक स्त्रोताच्या पाण्याची अणूजीवविषयक तपासणी आॅगस्ट महिन्यात करण्यात आली आहे. यामध्ये ११३४ पैकी २०८ स्त्रोतांचे पाणी दूषित असल्याचे आढळून आले असून, याचे प्रमाण जिल्ह्यात १८ टक्के आहे.जिल्हा आरोग्य प्रयोग शाळेकडून दर महिन्याला जिल्ह्यातील सार्वजनिक स्त्रोतांचे पाणी नमुने घेऊन तपासणी करण्यात येते. आॅगस्ट महिन्यात जिल्ह्यातील ११३४ नमुने तपासणीसाठी या प्रयोगशाळेकडे पाठविण्यात आले होते. यापैकी २०८ स्त्रोतांचे पाणी दूषित आढळून आले आहे. यामध्ये उस्मानाबाद तालुक्यातील २६५ स्त्रोतांचे पाणी नमुने प्रयोगशाळेकडे पाठविण्यात आले होते. यापैकी ६६ स्त्रोतांचे पाणी पिण्यास योग्य नाही. तसेच तुळजापूर तालुक्यातील १९९ पैकी १५, परंडा तालुक्यात ७७ पैकी १९, कळंब १२६ पैकी ३३, भूम १२२पैकी २५, लोहारा ९४ पैकी १०, वाशी ८३ पैकी २२ स्त्रोतांचे पाणी पिण्यास योग्य नसल्याचे या अहवालात नमूद करण्यात आले आहे. दूषित पाण्यामुळे कॉलरा, कावीळीसारख्या रोगांची उत्पती होते. त्यामुळे पावसाळ्याच्या दिवसात नागरिकांनी पाणी उकळून प्यावे, असा सल्ला मुख्य अणुजीव शास्त्र फेरोज पठाण यांनी दिला आहे. (वार्ताहर)१५६ गावात दूषित पाणीभूम तालुक्यातील अंभी प्राथमिक आरोग्य केंद्रातील ५ गावे, ईट ५, माणकेश्वर ४, पाथ्रूड ५, वालवड ५ गावात पाणी नमुने दूषित आढळले. कळंब तालुक्यातील दहिफळ २, ईटकूर ४, मंगरुळ क.६, मोहा ३, शिराढोण ४ तर येरमाळा ४ , लोहारा तालुक्यातील आष्टाकासार १, जेवळी ४, कानेगाव २, माकणी १, उमरगा तालुक्यातील आलूर प्राथमिक आरोग्यकेंद्रातील ६ गावे, मुळज ५, नाईचाकूर ५, येणेगूृर ३, उस्मानाबाद तालुक्यातील बेंबळी १२, जागजी ८, केशेगाव ४, कोंड १, पाटोदा २, पोहनेर ४, समुद्रवाणी २, येडशी ५, परंडा तालुक्यातील ५, अनाळा ४, जवळा नि ६, शेळगाव ४, तुळजापूर तालुक्यातील अणदूर ३, जळकोट १, काटगाव ३, मंगरुळ तु ३, नळदुर्ग १, सावरगाव ५ तर वाशी तालुक्यातील पारा ६ , पारगाव ७ असे जिल्ह्यातील ६३ प्राथमिक आरोग्य केंद्रातील १५६ गावात दुषित पाणी नमुने आढळले असल्याचे जिल्हा आरोग्य प्रयोग शाळेच्या वतीने सांगण्यात आले.