चंद्रपूर : येथील बंगाली कॅम्प परिसरामध्ये आंब्याच्या झाडावर आंबे खात असलेल्या माकडाला मारल्या प्रकरणी तक्रारीनंतर वनविभागाने महिलेवर गुन्हा दाखल केला आहे असे वनविभागांतर्गत गुन्हा दाखल झालेल्या महिलेचे नाव--????? आहे.
येथील बंगाली कॅम्प श्यामनगर परिसरात असलेल्या भगतसिंग चौकामध्ये या महिलेचे घर असून त्यांच्याकडे आंब्याच्या झाडासह इतरही झाडेझुडपे आहे. दरम्यान, सध्या उन्हाळ्याचे दिवस असल्यामुळे जंगली प्राणी पाण्यासाठी गावाकडे धाव घेत आहेत. असेच एक माकड बंगाली कॅम्प परिसरात आपल्या पिल्लांसह आले होते. ते आंब्याच्या झाडावर आंबे खात असताना महिलेने काठीच्या सहाय्याने हाकलण्याचा प्रयत्न केला. यामध्ये एका माकडाला जास्त मार लागल्यामुळे त्याचा घटनास्थळीच मृत्यू झाला. या घटनेची माहिती येथील प्यार फाउंडेशनचे अध्यक्ष देवेंद्र रापेल्ली यांना मिळाली. त्यांनी तत्काळ घटनास्थळ गाठत पहाणी केली. त्यानंतर वनविभागाकडे तक्रार दाखल केली. या तक्रारीवरून चंद्रपूर वनविभागाने त्या महिलेवर वनविभागाच्या कायद्यांतर्गत गुन्हा दाखल केला आहे. दरम्यान, माकडाची उत्तरीय तपासणी करण्यात आली आहे. विशेष म्हणजे, गुन्हा दाखल होताच महिला फरार झाली असून तिचा शोध वनविभागाचे कर्मचारी घेत आहे.