तुकडोजी महाराज्य पुण्यतिथीनिमित्त विविध कार्यक्रम

२६ डिसेंबरला सकाळी ५ वाजता ह. भ. प शेषानंद पांडे महाराज यांच्या हस्ते श्री गुरुदेव अधिष्ठान पूजन करून कार्यक्रमाची सुरुवात करण्यात येणार आहे. त्यानंत सकाळी ९ वा. हायस्कूल विभागाकरिता ग्रामगिता, अध्याय क्रमांक ३६ जीवनकला, महाविद्यालयीन विभाग अध्याय क्रमांक १४ ग्रामआरोग्य या विषयावर परिसंवाद आयोजित केला आहे. त्यानंतर बाल कीर्तनकार साक्षी अतकरे यांच्या किर्तनाचा कार्यक्रम, सायंकाळी ७ वा. आचार्य हरिभाऊ वेरुळकर गुरुजी यांची व्याख्यानमाला, रात्री ८ वा. ह. भ. प निंबाजी महाराज तागड आणि संच नागपूर यांच्या भारुडाचा कार्यक्रम, २७ डिसेंबर रोजी सकाळी ५.३० वाजता सामुदायिक ध्यान व आचार्य हरिभाऊ वेरुळकर गुरुजी त्यांचे चिंतन, सकाळी ७ वाजता रामधून व मनोहर महाराज चौबे यांचे रामधूनचे महत्व यावर मार्गदर्शन, दुपारी १२ वाजता ह भ प सुनील महाराज लांजुळकर यांच्या हस्ते गोपालकाला, याप्रसंगी दिवंगत कार्यक्रम श्रद्धांजली वाहण्यात येणार आहे. रात्री ८ वाजता समारोपीय कार्यक्रमाचे आयोजन करण्यात येणार आहे.