सावली : शहरातील स्वच्छतादुत म्हणून परिचीत असलेले, सर्वधर्म सेवाभाव संघटनेचे अध्यक्ष प्रशांत तावाडे यांचा बहुजन समाज पार्टी तालुका सावलीच्या वतीने सत्कार करण्यात आला.
बहुजन समाज पार्टीच्या वतीने राष्ट्रीय अध्यक्ष मायावती यांचा जन्मदिवस जनकल्याण दिन म्हणून साजरा करण्यात आला. यावेळी सावली तालुक्यातील ज्येष्ठ पदाधिकारी व कार्यकर्त्यांचा सत्कार करण्यात आला. यावेळी स्वच्छतादुत प्रशांत तावाडे यांचा सत्कार करण्यात आला. प्रशांत हा स्वच्छ भारत अभियानात स्वत: सामील होऊन स्वच्छतेसाठी आपला हातभार लावत आहे. शाळा, पोस्ट ऑफिस परिसर तसेच जयभीम वाचनालय परिसराची दररोज स्वच्छता करून केरकचरा उचलून त्याची विल्हेवाट लावतात. त्याच्या या कार्याची दखल घेत प्रशांत तावाडे याचा सत्कार करण्यात आला. यावेळी बसपाचे पदाधिकारी व सदस्य उपस्थित होते.