राजुरा : येथे गोंडवाना यंग टीचर्स असोसिएशन संघटनेची बैठक नुकतीच पार पडली. या बैठकीत जिल्ह्यातील कर्तुत्ववान प्राध्यापकांचा सत्कार समारंभ नुकताच पार पडला. सभेच्या अध्यक्षस्थानी संघटनेचे आधारस्तंभ डॉ. प्रदीपराव घोरपडे तर प्रमुख पाहुणे म्हणून संघटनेचे कोषाध्यक्ष डॉ. अनिल शिंदे, विशेष अतिथी म्हणून प्राचार्य संजय कुमार सिंह, संघटनेचे उपाध्यक्ष डॉ. सुनील नरांजे, उपाध्यक्ष डॉ. नंदाजी सातपुते, डॉ. संजीव निंबाळकर, संघटनेचे अध्यक्ष डॉ. संजय गोरे, संघटनेचे सचिव प्रा. विवेक गोरलावर आदी उपस्थित होते.
यावेळी शैक्षणिक व सामाजिक क्षेत्रात गुणवत्तापूर्ण कार्य करणारे डॉ. नरेंद्र आरेकर, डॉ. प्रमोद बोधणे, डॉ. नरेंद्र हरणे, डॉ. शरद बेलोरकर, डॉ. राजेंद्र झाडे, डॉ. जनार्दन काकडे, डॉ. राजू किरमिरे यांचा संघटनेचे वतीने सत्कार करण्यात आला. सभेत प्राध्यापकांचे तसेच विद्यार्थ्यांचे प्रश्न सोडविण्यासंदर्भात चर्चा करण्यात आली. संघटनेच्यावतीने विविध पदाधिकाऱ्यांनी आणि विभाग समन्वयकांना नियुक्ती प्रमाणपत्र प्रदान करण्यात आले. संचालन संघटनेचे सचिव प्रा. विवेक गोरलावर तर आभार डॉ. श्रीराम गहाणे यांनी मानले. याप्रसंगी संघटनेचे सर्व पद्धधिकारी व विभाग समन्वयक उपस्थित होते.