भद्रावती : सर्वोत्तम तान्हा पोळा उत्सव समिती विश्वकर्मा नगर भद्रावती यांच्यावतीने ऑनलाईन तान्हा पोळ्याचे आयोजन करण्यात आले. कोरोनाचा वाढता प्रादुर्भाव लक्षात घेता तसेच जिल्हाधिकारी यांच्या आदेशाचे पालन करून कोरोना नियमांचे पालन करण्यात आले. हा उत्सव सार्वजनिक मैदानावर न घेता ऑनलाईनद्वारे घेण्यात आला.
विश्वकर्मा नगरमध्ये मागील ३६ वर्षांपासून हा उपक्रम चालू आहे. यावर्षीच्या उपक्रमात एकूण ७५ बालगोपाळांनी झूम ॲपद्वारे ऑनलाईन सहभाग दर्शविला. प्रत्येक पालकांनी सुंदर रांगोळ्या काढल्या तर बालगोपाळांनी सुंदर सजावट करून आपला बैल अंगणासमोर ठेवला होता. मंडळाच्या नावीन्यपूर्ण संकल्पनेनुसार झूम ॲपचा वापर करून डिजिटल ऑनलाईनद्वारे एकाच वेळी सर्वांना जोडून लकी ड्रॉच्या माध्यमातून उत्कृष्ट अशी वेगवेगळी १५ बक्षिसे जाहीर करण्यात आली. तसेच ज्या मुलांना बक्षिसे मिळाली नाही, अशा सर्व मुलांना मंडळातर्फे प्रोत्साहनपर बक्षिस देण्यात आले.
080921\img-20210908-wa0113.jpg
तान्या पोळ यात सहभागी बालगोपाल