बाबासाहेबांना संगीतमय अभिवादन

डॉ. बाबासाहेब आंबेडकर यांच्या १२६ व्या जयंती निमित्ताने चंद्रपुरात शुक्रवारी विविध कार्यक्रमांचे आयोजन करण्यात आले होते.

पालकमंत्र्यांची उपस्थिती : बाईक रॅली, रक्तदान शिबिरचंद्रपूर : डॉ. बाबासाहेब आंबेडकर यांच्या १२६ व्या जयंती निमित्ताने चंद्रपुरात शुक्रवारी विविध कार्यक्रमांचे आयोजन करण्यात आले होते. शहराच्या मुख्य मार्गावरील डॉ. आंबेडकरांच्या पूर्णाकृती पुतळ्याजवळ ‘निळी पहाट’ या संगीतमय कार्यक्रमाचे आयोजन करण्यात आले होते. तसेच जिल्ह्याचे पालकमंत्री सुधीर मुनगंटीवार यांच्यासह शहरातील विविध गणमान्य व्यक्तींनी पुष्पहार अर्पण करून डॉ. बाबासाहेब आंबेडकर यांना अभिवादन केले.पालकमंत्री ना. मुनगंटीवार यांच्यासह आ. नाना शामकुळे, हिरामण खोब्रागडे, अंजली घोटेकर, तुषार सोम आदींनीही अभिवादन केले. तत्पूर्वी या पुतळ्याजवळ सकाळी ६ वाजतापासून डॉ. बाबासाहेब आंबेडकर नॅशनल इंजिनिअर्स असोसिएशनतर्फे ‘निळी पहाट’ हा बुद्ध-भीम गीतांचा कार्यक्रम आयोजित करण्यात आला. माणिकराव उबाळे व त्यांच्या संचाने तीन तासांपर्यंत एकाहून एक सरस बुद्ध-भीम गीते सादर केली. त्याचा आस्वाद घेण्यासाठी सकाळपासूनच आंबेडकरी नागरिक उपस्थित होते. (प्रतिनिधी)