सुमारे चार वर्षांपासून धर्मराज बाबासाहेब कांबळे (२३) हा अल्पवयीन मुलीचे शारीरिक शोषण करीत होता. अशातच मुलीची तब्बेत अचानक बिघडली. तिला उपचाराकरिता दवाखान्यात नेण्यात आले. वैद्यकीय अधिकाऱ्यांनी ती गर्भवती असल्याचे सांगितले. प्रकृतीत सुधारणा न झाल्याने तिला नागपूरला हलविण्यात आले. तिथे पीडित मुलीने बाळाला जन्म दिल्याने ती अल्पवयीन माता झाली. मात्र बाळ फार काळ जगू शकले नाही. याप्रकरणी जिवती पोलिसांनी आरोपी धर्मराज कांबळे याच्याविरुद्ध कलम ३७६, ३७६(अ), ३७६(२)(एन), भादंवि ४, ६ पोस्कोनुसार गुन्हा दाखल करून अटक केली आहे. पुढील तपास गडचांदूरचे उपविभागीय पोलीस अधिकारी सुशीलकुमार नायक यांच्या मार्गदर्शनात जिवतीचे पोलीस निरीक्षक सचिन जगताप करीत आहेत.
कोट
पीडितेच्या प्रकृतीत सुधारणा होता आहे. आरोपीला चंद्रपूर येथे ठेवण्यात आले आहे. डीएनए अहवाल आल्यानंतर पुढील कारवाई केली जाणार आहे.
- सचिन जगताप, पोलीस निरीक्षक जिवती.