बल्लारपूर : येथील काॅलरी मैदानावर शुक्रवारपासून जिल्हास्तरीय लेदर बॉल क्रिकेट स्पर्धेचा आरंभ झाला आहे.
येथील एव्हरग्रीन युथ बहुउद्देशीय संस्थाद्वारा आयोजित आमदार चषक स्पर्धेचे हे चवथे वर्ष आहे. या स्पर्धेत चंद्रपूर, तसेच यवतमाळ जिल्ह्यातील एकूण १२ टीम खेळणार आहेत. पहिला सामना इलेव्हन स्टार वणी विरुद्ध शिवनेरी क्रिकेट क्लब, चंद्रपूर यांचा रंगला.
स्पर्धेचे उद्घाटन वन विकास महामंडळाचे माजी अध्यक्ष चंदनसिंह चंदेल यांच्या हस्ते झाले. अध्यक्षस्थानी नगराध्यक्ष हरिश शर्मा हे होते. याप्रसंगी मंचावर काशिनाथ सिंह, न.प.च्या उपाध्यक्ष मीना चौधरी, शिक्षण सभापती सारिका कनकम, शिवचंद द्विवेदी, वसंत खेडेकर, वैशाली जोशी, मुन्ना ठाकूर, अरोरा, गणेश चौधरी आदींची प्रमुख उपस्थिती होती. प्रास्ताविक संस्थेचे अध्यक्ष सतीश कनकम यांनी केले. संचालन दाऊद सिद्दीकी यांनी केले. ही स्पर्धा १८ फेब्रुवारीपर्यंत चालणार असून, समारोप माजी अर्थमंत्री तथा आमदार सुधीर मुनगंटीवार यांच्या उपस्थितीत होणार आहे.