उपप्रादेशिक परिवहन अधिकारी म्हणून किरण मोरे रुजू

चंद्रपूर : येथील उपप्रादेशिक परिवहन अधिकारी विश्वंभर शिंदे यांची ठाणे येथे बदली झाली. त्यामुळे त्यांच्या ठिकाणी जळगाव येथील सहाय्यक प्रादेशिक परिवहन अधिकारी किरण मोरे यांची बढती करून चंद्रपूर येथे उपप्रादेशिक परिवहन अधिकारी म्हणून नियुक्ती करण्यात आली. शुक्रवारी त्यांनी पदभार स्वीकारला. सप्टेंबर महिन्यात चंद्रपूर येथील उपप्रादेशिक परिवहन अधिकारी विश्वंभर शिंदे यांची ठाणे येथे बदली करण्यात आली होती. त्यानंतर मोटार वाहन निरीक्षक दीपक जाधव यांच्याकडे पदभार सोपविण्यात आला होता. मात्र, चंद्रपूर विभागातून मोठ्या प्रमाणात महसूल मिळत असल्याने येथे पूर्णवेळ उपप्रादेशिक परिवहन अधिकार देण्यात यावे, अशी मागणी होते. दरम्यान, जळगाव येथील प्रादेशिक परिवहन कार्यालयातील सहाय्यक प्रादेशिक परिवहन अधिकारी यांना बढती देऊन चंद्रपूर येथे उप्रादेशिक अधिकारी म्हणून नियुक्ती करण्यात आली.