व्यसनमुक्ती संघटनेचा भावपूर्ण सत्कार

शेषराव महाराज व्यसनमुक्ती संस्था शिरपूर, ही व्यसनमुक्तीवर व अन्य सामाजिक उपक्रमावर कार्यक्रम राबवित आहे.

चंद्रपूर : शेषराव महाराज व्यसनमुक्ती संस्था शिरपूर, ही व्यसनमुक्तीवर व अन्य सामाजिक उपक्रमावर कार्यक्रम राबवित आहे. त्यामुळे या संघटनेचा शुक्रवारी एका कार्यक्रमात सत्कार करण्यात आला.संघटनेच्या वतीने राजीव गांधी हॉल चंद्रपूर येथे नुकतेच महारक्तदान शिबिर व व्यसनमुक्ती संमेलन घेण्यात आले होते. त्याचप्रमाणे उर्जानगर येथे मुख्य महाव्यवस्थापक गोहत्रे यांच्या उपस्थितीत जनजागृतीपर कार्यक्रम घेण्यात आला.जिल्ह्यात व पूर्वविदर्भात सर्वधर्मसमभावाचे कार्य तसेच जनतेच्या लोकउपयोगी व आदिवासी मागासवर्गीय जनतेला उत्साहात कसे जगता येईल व महाराष्ट्र राज्याचे मिळणारे अनुदान यापासून सर्वसाधारण जनता वंचित राहू नये, यासाठी संस्था सतत कार्यरत आहे. या कार्याची दखल घेत केंद्रीय राज्यमंत्री हंसराज अहीर व पालकमंत्री सुधीर मुनगंटीवार यांच्या हस्ते इंदिरा गांधी सभागृहात संघटनेचे जिल्हाध्यक्ष संजय बुटले यांना पुरस्कार प्रदान करून संघटनेला गौरविण्यात आले. यावेळी संघटनेचे पदाधिकारी व नागरिक मोठ्या संख्येने उपस्थित होते. (शहर प्रतिनिधी)