घुग्घुस : येथील अमराई वॉर्ड क्रमांक १ मधील भागरथा भीमराव सिडाम यांच्या घराला आग लागून घरातील साहित्य, अन्नधान्य जळून खाक झाले. त्या निराधार झालेल्या विधवेला नव एकता जय सेवा बहुद्देशीय संस्था, चांदागडच्या वतीने आर्थिक व वस्तू रुपात मदत देऊन सहकार्य केले.
९ ऑगस्टला विधवा व निराधार असलेल्या वृद्ध महिला मोलमजुरीकरिता बाहेर गेली असता शॉर्टसर्कीटमुळे आग लागून तिचे घर पूर्णपणे जळून राख झाले. त्या निराधार व विधवा महिलेला आर्थिक व वस्तू रुपात मदत दिली.
यावेळी मनीष आत्राम, गणेश किनाके, दीपक पेंदोर, अंकुश उईके, शैलेंद्र सलामे, लतीश आत्राम, मनोज चांदेकर, अरविंद किवे, संदीप तोंडासे, तिरुमाय सुनीता आत्राम, विद्या आत्राम व समाज बांधवांची उपस्थिती होती.