सावरगाव : नागभीड तालुक्यातील सावरगाव येथील क्रांती नवनिर्मिती राष्ट्रीय संघटन शाखा व पीक विमाधारक शेतकरी यांच्यातर्फे तहसीलदार यांच्यामार्फत पंतप्रधान नरेंद्र मोदी यांना निवेदन देण्यात आले.
पीक विम्याची रक्कम त्वरित देण्याची मागणी करण्यात आली.
सन २०२०-२१ च्या खरीप धान पिकाची, नैसर्गिक आपत्ती वादळवारा, रोग मावा-तुडतुडा, किडीच्या प्रादुर्भावाने नुकसान झालेल्या पीक विमाधारक शेतकऱ्यांना पीक विमा नुकसानभरपाई मिळावी, पेट्रोल, डिझेल दरवाढ कमी करावी, निराधार, अपंग योजनेच्या अनुदानात वाढ करावी, कोरोनाकालीन घरगुती वीज बिल माफ करावे, खाद्यतेल व जीवनावशक वस्तूंच्या दरावर नियंत्रण ठेवणे, शेतकरीविरोधी तिन्ही कायदे रद्द करणे, अशा विविध मागण्यांचे निवेदन यावेळी देण्यात आले. याप्रसंगी क्रांती नवनिर्मिती राष्ट्रीय संघटन सावरगाव शाखा प्रमुख व अध्यक्ष प्रा. युवराज रामटेके, उपाध्यक्ष जितेंद्र मुंगमोडे, राज्य संघटक निकेश अलोणे, गोपाल बोरकर, अश्विन बोरकर, सतीश लोणारे, बालू मेश्राम, सागर अलोणे, नाना बारसागडे, तुलोपचंद गेडाम, निकेश रामटेके आदींची उपस्थिती होती.