प्रबोधन कला परिवर्तन मंच, पंचशील प्रबोधिनी भजन कला मंडळ, प्रबुद्ध प्रबोधिनी भजन कला मंडळ यांच्या संयुक्त विद्यमाने खापरी(डोमा) येथे आंबेडकरी लोककला महोत्सवाचे आयोजन २१ फेब्रुवारीला करण्यात आले आहे. अध्यक्षस्थानी सुप्रसिद्ध कवी व लेखक ॲड. भूपेशकुमार पाटील हे राहतील. उद्घाटक म्हणून प्रा. पुष्पा घोडके उपस्थित राहतील. तर प्रमुख अतिथी म्हणून प्रा. डॉ. अनमोल शेंडे, प्रा. प्रवीण कांबळे, डॉ. सुनंदा रामटेके, विदर्भ कलाकार परिषदेचे अध्यक्ष धर्मदास भिवगडे उपस्थित राहणार आहेत. स्वागताध्यक्ष म्हणून लोकनाथ शेंडे हे उपस्थित राहणार आहेत.
या लोककला महोत्सवात कवी सुरेश डांगे यांच्या अध्यक्षतेत निमंत्रितांचे कविसंमेलन होणार आहे. समारोप ॲड. भूपेशकुमार पाटील यांचे अध्यक्षतेखाली होईल. प्रमुख अतिथी चंद्रपूर जि. प. विरोधी गटनेते डॉ. सतीश वारजुकर, समाजकल्याण सभापती नागराज गेडाम, चिमूर पं. स. सभापती लता पिसे, नागभीड पं. स. सभापती प्रणया गड्डमवार, उपसभापती रोशन ढोक,सामाजिक कार्यकर्ते विनोद गजघाटे,प्रवीण सातपुते, हेमलता शेंडे उपस्थित राहणार आहेत. या महोत्सवात भीम-बुद्ध गीतांचा कार्यक्रम ‘निळी पाखरं’ होणार आहे. तसेच विविध क्षेत्रांत कार्यरत सामाजिक कार्यकर्त्यांचा वामनराव पाटील स्मृती प्रतिष्ठाणकडून सत्कार करण्यात येणार आहे.