सिंदखेडराजा : भारतीय जनता युवा मोर्चाच्या कार्यक्रमानिमित्त राज्याचे माजी मंत्री चंद्रशेखर बावनकुळे, भाजपचे प्रदेशाध्यक्ष विक्रांत पाटील, सरचिटणीस राहुल लोणीकर, विनोद वाघ हे आज सिंदखेडराजात आले होते. पालकमंत्र्यांचे विश्वासू राष्ट्रवादीचे शहराध्यक्ष राजेंद्र अंभोरे यांची भेट भाजप नेत्यांनी घेतल्याने चर्चेचा विषय ठरला़
विविध कार्यक्रम आटोपून भाजप नेत्यांना देऊळगावराजाकडे जायचे हाेते़ त्यामुळे देऊळगावराजा रस्त्यावरील युवा वॉरिअर्स शाखेचा उद्घाटन सोहळा जो कार्यक्रमात आधी होणार होता तो परतीच्या प्रवासात जाताना करण्याचा निर्णय नेत्यांनी घेतला़ शाखा उद्घाटन झाल्यानंतर..नेत्यांचा हा ताफा देऊळगावराजाकडे निघणार...तितक्यात... राहुल लोणीकर यांच्याकडे एक निरोप आला आणि बावनकुळे लगेच गाडीच्या खाली उतरले...आणि पायीच निघाले...बावनकुळे आणि अन्य भाजपा नेते कुठे जाताहेत याची चर्चा सुरू असतानाच त्यांनी राष्ट्रवादीचे शहराध्यक्ष राजेंद्र अंभोरे यांचे घर गाठले. भाजपचे नेते राष्ट्रवादी पदाधिकाऱ्यांकडे का जाताहेत याची बाहेर चांगलीच चर्चा होती...अंभोरे यांच्याकडे हे सर्व नेते पोहोचले..उत्सुकता म्हणून काही पत्रकारही येथे उपस्थित होते. राजेंद्र अंभोरे हे पालकमंत्री ना़ डाॅ़ शिंगणे यांचे विश्वासू ...आणि अचानक त्यांच्याकडे भाजपचे नेते गेल्याने हा चर्चेचा विषय झाला.
भाजपा कार्यकर्त्यांना अंभोरे भाजपात प्रवेश करणार असेही क्षणभर वाटले.. पण ही भेट केवळ पारिवारिक होती...भाजपचे राहुल लोणीकर आणि अंभोरे परिवाराचे कौटुंबिक संबंध आहेत़ राहुल लोणीकर यांना अंभोरे यांनी घरी येण्याचे निमंत्रण आधीच दिले होते.त्यामुळे शाखा उद्घाटन होताच लोणीकर तिकडे जाणार होते...लोणीकर कुठे जाताहेत याची माहिती त्यांनी भाजपा प्रवक्ते विनोद वाघ यांना दिली.त्याच वेळी तिथे बावनकुळे हजार होते.त्यामुळे लोणीकर यांना आपण कुठे जात आहोत हे बावनकुळे यांना सांगावे लागले..चला मी पण येतो असे सहज म्हणून बावनकुळेदेखील गाडीच्या खाली उतरले आणि भाजपा नेत्यांचा हा ताफा जवळच असलेल्या अंभोरे यांच्या घरी पोहचला. त्यानंतर ही मंडळी पुढच्या प्रवासाला निघून गेली़