शेख रशीद शेख हसन हे मलकापूर पांग्रा येथे गेले असता परत येताना दुचाकी एमएच २३ डी ८९९९ या क्रमांकाच्या दुचाकीला सावखेड नागरे गावाला लागूनच अपघातात शेख रशीद जबर मार लागल्याने गंभीर जखमी झाले.
ही माहिती अंढेरा पोलिसांना मिळताच पोलिसांनी तत्काळ घटनास्थळी धाव घेऊन शेख रशीद यांना रस्त्यावरील नागरिकांच्या मदतीने अंढेरा येथील प्राथमिक आरोग्य केंद्रात उपचारासाठी दाखल केले असता उपचारादरम्यान त्यांचा मृत्यू झाला. पोलिसांनी मृतदेह उत्तरीय तपासणीसाठी देऊळगाव मही येथील ग्रामीण रुग्णालयात पाठविला. अंढेरा पोलिसांनी अज्ञात वाहनाविरुद्ध गुन्हा दाखल केला असून, वाहन शोधण्याचे आवाहन पोलिसांसमोर उभे ठाकले असून, ठाणेदार गणेश हिवरकर यांच्या मार्गदर्शनाखाली बीट जमादार पोहेकाॅ. गजानन वाघ पुढील तपास करीत आहेत.