जिल्ह्यातील पेरा हेक्टरमध्ये
सोयाबीन ३८७३०५
मूग १९२२१
उडीद २१५८१
कपाशी १९३९०३
खोऱ्याने पैसा ओतला, आता काय करू?
सोयाबीन पिकासाठी सुरुवातीपासून खोऱ्याने पैसा ओतला. मात्र, जेव्हा हातात सोयाबीन आले, तेव्हा भाव पडला. दरवर्षीप्रमाणेच यंदाही सोयाबीन पिकात तोटा सहन करावा लागणार आहे. शासनाने सोयाबीनचा भाव किमान उत्पादन खर्च निघेल हा विचार करून ठरवावा. ज्यामुळे शेतकऱ्यांना तोटा सहन करावा लागणार नाही.
संजय देशमुख, शेतकरी
सोयाबीनला दरवर्षी पावसाचा फटका बसत आहे. त्यामुळे सोयाबीनचे क्षेत्र कमी झाले होते; परंतु यंदा सोयाबीनला चांगला भाव असल्याने अनेक शेतकऱ्यांनी सोयाबीनची पेरणी केली; परंतु सोयाबीन बाजारात विक्रीसाठी येताच सोयाबीनचा दर पाच हजार रुपये प्रतिक्विंटलवर आला आहे. त्यामुळे शेतकऱ्यांनी शेतमाल विक्री करावा की नाही, हा मोठा प्रश्न आहे.
भागवत धुरेकर, शेतकरी
विकण्याची घाई करू नये
सध्या सोयाबीनचा भाव सर्वत्रच कमी झाला आहे. सरासरी पाच हजार रुपये प्रतिक्विंटलपर्यंत भाव मिळत आहे. आठवडाभरापूर्वी सोयाबीनला चांगला भाव मिळत होता. कुठल्याही एकाच मार्केटमधील भाव कमी झाला नसून सर्वच ठिकाणी हीच परिस्थिती आहे.
लक्ष्मण पवार, व्यापारी
सोयाबीनचा दर (प्रतिक्विंटल)
१७ सप्टेंबर - ८०००
१८ सप्टेंबर - ७५००
२० सप्टेंबर - ६०९४
२१ सप्टेंबर - ५६००
२२ सप्टेंबर - ५८००
२३ सप्टेंबर - ५६६७
२४ सप्टेंबर - ५८९९
२५ सप्टेंबर - ५६००