हिवरा आश्रम ग्रा.पं.वर फडकला भगवा!

मतदानानंतर दोन्ही पॅनलच्या उमेदवारांच्या विजयाची आकडेमोड, वारंवार होणारे मंथन, चर्चेला आलेले उधाण, या सर्वांना आज जाहीर झालेल्या निवडणूक निकालाने पूर्णविराम मिळाला आहे. ग्रामपंचायत निवडणुकीचा निकाल लागल्यानंतर सर्व चित्र स्पष्ट झाले. येथे ११ सदस्यसंख्या असलेली ग्रामपंचायत आहे. या ग्रामपंचायतीसाठी एकूण ११ जागेसाठी २४ उमेदवार रिंगणात होते. यामध्ये अपक्ष दोन उमेदवारांचा समावेश होता. या ग्रामपंचायत निवडणुकीसाठी प्रामुख्याने दोन पॅनलमध्ये चुरशीची लढत दिसून आली. एक पॅनल भाजपचे जि.प.सदस्य संजय वडतकर यांचे तर दुसरे पॅनल शिवसेनेचे नेते माजी सरपंच मनोहर गिऱ्हे यांचे होते. शिवसेनेचे माजी नेते मनोहर गिऱ्हे यांच्या पॅनलला ७ जागेवर विजय मिळाला तर भाजप नेते संजय वडतकर यांच्या पॅनलला ४ जागेवर विजय मिळाला. दोन्ही पॅनलमध्ये चुरशी लढत असल्यामुळे या ग्रामपंचायतमध्ये कोणता पॅनल विजयी होईल, यासाठी सर्वांच्या नजरा लागल्या होत्या. आज लागलेल्या ग्रामपंचायत निवडणुकीच्या निकालाने पूर्णविराम मिळाला आहे. अभिषेक आकोटकर यांच्या निकालाकडे लक्ष लागले हाेते. ते पराभूत झाले आहेत.