सिंदखेडराजा : जिजाऊ मासाहेबांचा जन्म पौष पौर्णिमेला सूर्योदयासमयी झाला होता. ५ जानेवारी रोजी तिथीनुसार सूर्योदयासमयी येथील राजवाड्यावर मा जिजाऊंची मान्यवरांच्या हस्ते महापूजा करण्यात आली. शिवसेना व वारकरी संप्रदायाच्यावतीने जिजाऊंच्या महापूजनाच्या कार्यक्रमाचे आयोजन करण्यात आले होते. हभप अनिरुद्ध महाराज, सखाराम आढाव व सहकार्‍यांनी सकाळी ४ वाजतापासून काकड आरतीसह भजन म्हटले. त्यानंतर पौष पौर्णिमेला सूर्योदयासमयी येथील राजवाड्यात खा. प्रतापराव जाधव व त्यांच्या पत्नी राजश्री जाधव, आ.डॉ. शशिकांत खेडेकर, आ.डॉ. संजय रायमुलकर, न.प. अध्यक्ष नंदाताई विष्णू मेहेत्रे यांच्या हस्ते जिजाऊंची महापूजा करण्यात आली. यावेळी ढोलताशाच्या गजरात व फटाक्यांची आतषबाजी करून जिजाऊ भक्तांनी जल्लोष केला.
मासाहेब जिजाऊंची महापूजा
By admin | Updated: January 6, 2015 00:16 IST