संचारबंदीची अंमलबजावणी, डाेणगावात शुकशुकाट

डाेणगाव हे गाव राज्य महामार्गावर असून, येथून अत्यावश्यक सेवेच्या वाहनांबरोबर शेकडो वाहने धावतात. याचाच फायदा घेत बसस्थानक परिसरात व आठवडी बाजारात असणारे व्यापारी हे आपल्या दुकानासमोर बसून आपला व्यवसाय चोरी चोरी छुपके करीत आहेत. त्यामुळे कोरोना नियमांचे उल्लंघन होऊन कोरोना संक्रमणाचे प्रमाण वाढण्याची शक्यता नाकारता येत नाही. स्थानिक ग्रामपंचायत व महसूल विभाग याकडे गांभीर्याने पाहत नसल्याने अखेर डोणगांवचे ठाणेदार दीपक पवार व पोलीस कर्मचारी हे ॲक्शन मोडमध्ये आले. त्यांनी सर्व गावकऱ्यांना कोरोना नियम पाळण्याचे आवाहन केले. नियम न पाळणाऱ्यांवर कारवाई करण्याचे संकेत देताच डोणगांव येथे शुकशुकाट पहायला मिळाला. डोणगांव येथून सर्रास परजिल्हयात ओव्हर लोड रेती वाहतूक करणारी वाहने रस्त्यावर धावत आहेत. त्यांच्यावरही कारवाई करण्याची गरज आहे.