हे आहेत परिणाम
एकदा वापरलेले तेल पुन्हा वापरल्यावर ॲसिडिटी तसेच हृदयासंबंधित आजार, अल्जायमर, पार्किंसन्सचे आजार आणि घशाची जळजळ यांसारख्या समस्या उद्भवू शकतात.
रस्त्यावर न खाणे बरे
डीप फ्रायसाठी एकदा वापरलेले तेल खरे तर पुन्हा वापरू नये. पण काही पदार्थात आपण ते वापरू शकतो. परंतु हा वापर ते तेल कोणत्या प्रकारचे आहे, ते डीप फ्रायसाठी वापरले आहे की, हलक्या तळणासाठी वापरले आहे आणि ते तेल आता कोणत्या पदार्थात वापरले जाणार आहे, यावर अवलंबून आहे. तेव्हा रस्त्यावरील पदार्थ न खाल्लेलेच बरे असा सल्ला आहारतज्ज्ञ देत आहेत.
तळीव पदार्थ बनविण्यासाठी वापरण्यात येणारे तेल वारंवार वापरल्यानंतर ते जड होते. आणि तेच पदार्थ खाल्ले तर शरीरातील चरबीचे प्रमाण वाढते. स्थूलता येऊन पुढे जाऊन ते अनेक आजारांना निमंत्रण देते. तेव्हा असे तळलेले पदार्थ न खाल्लेलेच बरे.
-डॉ. वैशाली पडघान, आयुर्वेदाचार्य व आहारतज्ज्ञ.
...तर होईल गुन्हा दालख
अन्न व औषध प्रशासनाने दिलेल्या माहितीनुसार, खाद्यतेल कोणताही पदार्थ तळण्यासाठी दोन ते तीन वेळा वापरणे योग्य आहे. मात्र, त्यापेक्षा जास्त वेळा वापरणे चुकीचे आहे. वारंवार वापरलेल्या तेलामध्ये टोटल पोलर कम्पाऊंडचे रीडिंग २५ पेक्षा जास्त आल्यास अशा व्यक्तींवर कायदेशीर कारवाई करून खटला दाखल केला जाऊ शकतो. तेव्हा वारंवार तेल न वापरण्याचे आवाहन करण्यात आले आहे.
तपासणी मोहीम सुरू
जिल्ह्यातील ३० ते ४० स्वीट मार्ट चालक आणि फरसाण विक्रेत्यांची अन्न व औषध विभागाच्यावतीने तपासणी करण्यात आली आहे. यामध्ये कोणाकडेच वारंवार तेलाचा वापर केल्याचे आढळून आले नाही. पुढेही ही मोहीम सुरू राहणार असून, यामध्ये काही अनुचित प्रकार आढळल्यास त्यांच्यावर कायदेशीर कारवाई केली जाणार असल्याची माहिती अन्न व औषध विभागाचेे सहाय्यक आयुक्त एस. डी. केदारे यांनी दिली.