..अखेर कारंजा चौकातील दुकाने हटवली

बुलडाणा नगरपालिकेची अतिक्रमण हटाव मोहीम तीव्र.

बुलडाणा : उच्च न्यायालयाच्या आदेशानंतर मागिल आठवड्यात सुरू झालेली अतिक्रमण हटाव मोहीम रविवारच्या विश्रांतीनंतर सोमवारी पुन्हा सुरू झाली. सोमवारी बहुप्रतीक्षेत व बहुचर्चीत असलेले अतिक्रमणा तील दुकाने हटविण्यात आली. यामुळे कारंजा चौकाने गत वीस वर्षांनंतर प्रथमच मोकळा श्‍वास घेतला. बुलडाणा शहरातील अत्यंत गजबजलेला चौक म्हणून कारंजा चौकाची ओळख आहे. या चौकात बुलडाणा अर्बनची मुख्य शाखा, विविध मंदिरे, मोठे मंगल कार्यालये, कॉम्प्लेक्स, तसेच विविध दुकाने आहेत. गत अनेक वर्षापासून अनेक छोट्या मोठय़ा व्यावसायीकांनी अतिक्रमण करुन येथे बस्तान बसविले होते. परिणामी चौकात येणार्‍या नागरिकांना अनेक अडचणी येत होत्या. या परिसरात पार्किंगसाठी जागा नसल्यामुळे वाहने रस्त्यावर उभी राहतात. त्यामुळे वाहन चालक व अतिक्रमकांमध्ये भांडणे झाल्याच्या घटना घडल्या हो त्या. जवळपास २0 वर्षांपासून अतिक्रमण केलेल्यांना पालिकेने अनेकवेळा नोटिस देऊन अतिक्रमण काढण्याचा प्रयत्न केला; मात्र संबंधित दुकानदारांनी न्यायालयात धाव घेतल्याने अतिक्रमण जैसे थ होते. आता मात्र उच्च न्यायालयाने आदेश दिल्यामुळे शहरातील सर्वच अतिक्रमण हटविण्यात येत आहे. बुलडाणा-चिखली रस्त्यावरील मागिल आठ वषार्ंपासून अतिक्रमण काढण्यात आले. त्यात एडेड हायस्कूल मागिल परिसराचा समावेश आहे. त्यानंतर जिल्हाधिकारी कार्यालयासमोर असलेल्या ग्रिनझोनमध्ये असलेले अतिक्रमण काढण्यात आले. सोमवारी कारंजा चौकासह गर्दे वाचनालयाच्या मागिल बाजूस असलेले जगदंबा माता परिसरातील अतिक्रमण केलेल्या दुकानांवर गजराज चालला. यावेळी ठाणेदार दांदळे यांच्या नेतृत्वात पोलिसांचे पथक तैनात करण्यात आले होते.